Kerala Channel

ഈമെയിലുകള്‍ക്ക് സൌജന്യ SMS അലര്‍ട്ട് - way2sms.com ലൂടെ

2010-10-01T10:53:00.000-07:00

സൌജന്യ SMS സേവനം നല്‍കുന്ന പ്രശസ്തമായ വെബ്സൈറ്റാണ് way2sms.com. രജിസ്റ്റര്‍ ചെയ്താല്‍ ഇന്ത്യയില്‍ എവിടേയ്ക്കും സൌജന്യമായി ഈ വെബ്സൈറ്റില്‍ നിന്നും മൊബൈല്‍ ഫോണുകളിലേയ്ക്ക് SMS അയയ്ക്കാം. കൂടുതല്‍ മൊബല്‍ നമ്പറുകളിലേയ്ക്ക് ഒരുമിച്ച് SMS അയയ്ക്കുവാനും ഈ വെബ്സൈറ്റ് ഉപകരിക്കും. കഴിഞ്ഞ വര്‍ഷം മുതല്‍ SMS, Email എന്നിവയുമായി ബന്ധപ്പെട്ട പല സൌജന്യ സേവനങ്ങളും way2sms.com കൂടുതലായി നല്‍കിവരുന്നു. അതിലൊന്നാണ് ഇന്‍ബോക്സില്‍ പുതിയതായെത്തുന്ന ഈമെയിലുകള്‍ക്ക് മൊബൈലില്‍ ലഭിക്കുന്ന SMS അലര്‍ട്ട്.

ഈ സേവനം ലഭ്യമാവാന്‍ way2sms.com ന്റെ സൌജന്യ ഈമെയില്‍ നിര്‍മ്മിക്കുക. ഇതിനായി way2sms.com ല്‍ ലോഗിന്‍ ചെയ്തശേഷം ഡാഷ്ബോര്‍ഡിലെ മെയില്‍ ടാബ് ക്ലിക്ക് ചെയ്യുക. 'yourname@way2sms.com' എന്ന രൂപത്തില്‍ ഈമെയിലുകള്‍ നിര്‍മ്മിക്കാം.

ഇനി നമ്മുടെ യാഹൂ, ജീമെയില്‍ ഈമെയില്‍ അകൌണ്ടുകളെ way2sms മെയിലുമായി ബന്ധപ്പെടുത്തുക. ഈ വെബ്സൈറ്റുകളിലെ നമ്മുടെ മെയില്‍ അക്കൌണ്ടുകളില്‍ ‘Forwarding and POP‘ ഓപ്ഷന്‍ എനേബിള്‍ ചെയ്യണം. എങ്കിലേ മെയിലുകള്‍ way2sms ല്‍ എത്തൂ. Mail Alerts എന്ന ലിങ്കില്‍ അമര്‍ത്തിയാല്‍ SMS അലര്‍ട്ട് ആക്ടിവേറ്റ് ചെയ്യാം. 14 ദിവസത്തേയ്ക്കാണ് ആക്ടിവേഷന്‍. അതുകഴിഞ്ഞാല്‍ വീണ്ടും പുതുക്കണം. പുതുക്കല്‍ സൌജന്യമാണ്.

യാഹൂ മെസഞ്ചറും, ജീ ടോക്കും way2sms ലൂടെ ഒരേ സമയം ഉപയോഗിക്കാനാവും. കോണ്ടാക്ട് ബുക്ക്, ഈമെയില്‍ സിഗ്നേച്ചര്‍, മികച്ച സ്പാം ഫില്‍റ്റര്‍, ടെക്സ്റ്റ് ഫോര്‍മാറ്റിങ്ങ് ടൂളുകള്‍ എന്നിവയോടുകൂടിയ ഈമെയില്‍ അക്കൌണ്ടാണ് way2sms ല്‍ ലഭിക്കുന്നത്.

SMS അലര്‍ട്ട്, ഈമെയില്‍ എന്നീ സേവനങ്ങള്‍ക്കുപുറമെ, ഷെഡ്യൂള്‍ഡ് SMS കള്‍, ഈ കാര്‍ഡുകള്‍, ഏറ്റവും പുതിയ വാര്‍ത്തകള്‍, സിനിമ, ടെലിവിഷന്‍ വാര്‍ത്തകള്‍ എന്നിവയും way2sms ല്‍ ലഭ്യമാവുന്നു. wap.way2sms.com എന്ന WAP പോര്‍ട്ടലിലൂടെ മൊബൈലുകളില്‍ നിന്നും SMS അയയ്ക്കുവാനും കഴിയും. ഇപ്പോള്‍ ഇന്ത്യയില്‍ മാത്രം ലഭിക്കുന്ന സേവനങ്ങളെ മറ്റ് രാജ്യങ്ങളിലേയ്ക്കും വ്യാപിപ്പിക്കുവാന്‍ ഒരുങ്ങുകയാണ് way2sms.com.

ബില്‍റ്റ് ഇന്‍ ഇന്റര്‍നെറ്റുമായി ഏസര്‍ നെറ്റ് ബുക്

2010-09-29T09:54:00.000-07:00

റിലയന്‍സിന്റെ ബില്‍റ്റ് ഇന്‍ ബ്രോഡ്ബാന്റ് ഇന്റര്‍നെറ്റുമായി ഏസറിന്റെ നെറ്റ് ബുക്കായ ആസ്പയര്‍ 1 532 H വിപണിയില്‍. ഇന്റിഗ്രേറ്റഡ് ബ്രോഡ് ബാന്റുള്ള ആദ്യ നെറ്റ്ബുക്കാണിത്. ഇന്റല്‍ ആറ്റം N450 ആണ് പ്രോസസ്സര്‍. 1 ജി.ബി RAM, 160 ജി.ബി. ഹാര്‍ഡ് ഡ്രൈവ്, 10.1" SD 1024 x 600 റെസല്യൂഷന്‍ സ്ക്രീന്‍, മള്‍ട്ടി കാര്‍ഡ് റീഡര്‍, ഹൈ ഡെഫനിഷന്‍ ഓഡിയോ സിസ്റ്റം, ബില്‍റ്റ് ഇന്‍ മൈക്രോഫോണ്‍, ബ്ലൂടൂത്ത്, 640 x 480 റെസല്യൂഷന്‍ വെബ് ക്യാമറ എന്നിവയാണ് ആസ്പയര്‍ 1 532 H ന്റെ സവിശേഷതകള്‍. 48 W 4400 mAh ന്റെ 6 സെല്‍ ബാറ്ററിയാണ് ഈ നെറ്റ് ബുക്കിനുള്ളത്. എട്ട് മണിക്കൂര്‍ വരെ ബാറ്ററി ലൈഫ് കിട്ടുമെന്ന് കമ്പനി അവകാശപ്പെടുന്നു.

EVDO Rw എന്ന റിലയന്‍സ് വയര്‍ലെസ് മോഡമാണ് ബില്‍റ്റ് ഇന്‍ ഇന്റര്‍നെറ്റിനായി ഈ മോഡലില്‍ ചേര്‍ത്തിട്ടുള്ളത്. 3.1 Mbps വരെ വേഗതയുള്ള റിലയന്‍സ് ഡേറ്റാ കണക്ഷന്‍ ഉപയോഗിക്കാം. EVDO ലഭ്യമല്ലാത്തപ്പോള്‍ റിലയന്‍സ് നെറ്റ് വര്‍ക് കവറേജ് ഉണ്ടെങ്കില്‍ 156Kbps വേഗതയുള്ള നെറ്റ് കണക്ഷന്‍ ഉപയോഗിക്കാം. EVDO (Evolution Data Only), അല്ലെങ്കില്‍ EV-DO (Evolution, Data Optimized) എന്നത് വയര്‍ലെസ് ഡേറ്റാ ട്രാന്‍സ്ഫറിനുള്ള ഒരു 3G ടെലി കമ്മ്യൂണിക്കേഷന്‍ സ്റ്റാന്‍ഡാര്‍ഡാണ്.

കാണാന്‍ അഴകുള്ള ഈ നെറ്റ് ബുക്കിന് 1.25 കി.ഗ്രാം ഭാരവും ഒരിഞ്ച് കനവുമാണ് ഉള്ളത്. 19500 രൂപയാണ് വില.

മൊബൈല്‍ നമ്പര്‍ പോര്‍ട്ടബിലിറ്റി (MNP) വരുന്നു. ഒക്ടോബര്‍ 31 മുതല്‍

2010-09-26T23:18:00.000-07:00

ഏറെ നാളത്തെ കാത്തിരിപ്പിനുശേഷം ഇന്ത്യയില്‍ മൊബൈല്‍ നമ്പര്‍ പോര്‍ട്ടബിലിറ്റി (MNP) സംവിധാനം വരികയാണ്. ഒക്ടോബര്‍ 31 മുതല്‍ ഇത് പ്രാവര്‍ത്തികമാവുമെന്ന് ടെലികോം റെഗുലേറ്ററി അതോറിറ്റി ഓഫ് ഇന്ത്യ (TRAI) വ്യക്തമാക്കിയിരിക്കുന്നു. നിലവിലുള്ള മൊബൈല്‍ നമ്പര്‍ മാറ്റാതെ തന്നെ ഉപഭോക്താവിന് താല്പര്യമുള്ള സേവന ദാതാവിനെ(Service Provider) തെരഞ്ഞെടുക്കുവാന്‍ കഴിയുന്ന സംവിധാനമാണിത്. CDMA ഫോണ്‍ നമ്പറുകള്‍ക്കും, GSM ഫോണ്‍ നമ്പറുകള്‍ക്കും, പ്രീപെയ്ഡ്, പോസ്റ്റ് പെയ്ഡ് വരിക്കാര്‍ക്കുമെല്ലാം ഈ സംവിധാനം ഉപയോഗിക്കാം. CDMA, GSM ടെക്നോളജികള്‍ മാറി ഉപയോഗിക്കുന്നതിനും ഇതുവഴി സാധിക്കും. ഒരേ ടെലിഫോണ്‍ സര്‍ക്കിളിനുള്ളില്‍ മാത്രമെ നമ്പര്‍ പോര്‍ട്ടബിലിറ്റി സംവിധാനം സാധിക്കുകയുള്ളൂ.

ഈ സേവനത്തെ പിന്തുണയ്ക്കുവാന്‍ പോന്ന കാര്യക്ഷമത തങ്ങളുടെ സംവിധാനങ്ങള്‍ക്കുണ്ടോയെന്ന് ഉറപ്പുവരുത്തണമെന്ന് എല്ലാ സേവന ദാതാക്കളോടും ഡിപ്പര്‍ട്ട്മെന്റ് ഓഫ് ടെലി കമ്മ്യൂണിക്കേഷന്‍സ് (DoT) ആവശ്യപ്പെട്ടിരുന്നു. ഭാരതി എയര്‍ടെല്‍, ബി.എസ്.എന്‍.എല്‍, വോഡഫോണ്‍ എസ്സാര്‍, ഐഡിയ, എം.ടി.എന്‍.എല്‍, റിലയന്‍സ്, ടാറ്റാ ടെലി സര്‍വീസസ്, എയര്‍സെല്‍, എസ്ടെല്‍ തുടങ്ങിയ പ്രമുഖ മൊബൈല്‍ സേവന ദാതാക്കളെല്ലാം തന്നെ അതിനായി തയ്യാറായിക്കഴിഞ്ഞു. പ്രധാന മെട്രൊ നഗരങ്ങളില്‍ ഈ സംവിധാനം ആദ്യം നിലവില്‍ വരും. വൈകാതെതന്നെ മറ്റ് സ്ഥലങ്ങളിലേയ്ക്ക് വ്യാപിപ്പിക്കുകയും ചെയ്യും.

ഇതനുസരിച്ച്, സേവന ദാതാവിനെ മാറ്റുന്ന വരിക്കാരന്‍ താന്‍ ഏത് സേവന ദാതാവിനെ പുതിയതായി തെരഞ്ഞെടുക്കുന്നുവോ അവരെ തന്റെ നമ്പര്‍ പോര്‍ട്ട് ചെയ്യുന്നതിന് സമീപിക്കണം. അപേക്ഷ ലഭിച്ച് അഞ്ച് ദിവസത്തിനുള്ളില്‍ ആവശ്യമായ നടപടികള്‍ സ്വീകരിച്ച് അവര്‍, ആദ്യ സേവന ദാതാവിനെ വിവരങ്ങള്‍ അറിയിക്കണം. രണ്ട് ദിവസത്തിനുള്ളില്‍ ആദ്യ സേവന ദാതാവ് വേണ്ട നടപടികള്‍ കൈക്കൊണ്ട് നമ്പര്‍ അവരില്‍ നിന്നും വേര്‍പെടുത്തും. തുടര്‍ന്ന് പുതിയ സേവന ദാതാവ് അവരിലേയ്ക്ക് ആ നമ്പര്‍ ഉള്‍പ്പെടുത്തുകയും ചെയ്യും. ഷിഫ്റ്റിങ്ങ് സമയത്ത് വരിക്കാരന് തന്റെ നമ്പര്‍ ഉപയോഗിക്കാന്‍ സാധിക്കുകയില്ല. ഷിഫ്റ്റിങ്ങിനുള്ള സമയം പരമാവധി രണ്ട് മണിക്കൂര്‍ എന്നാണ് TRAI നിര്‍ദ്ദേശിച്ചിട്ടുള്ളത്. പ്രീപെയ്ഡ് വരിക്കാര്‍ക്ക് നിലവിലുള്ള ബാലന്‍സ് തുക സേവന ദാതാവിനെ മാറുമ്പോള്‍ നഷ്ടമാവും. സറണ്ടര്‍ ചെയ്ത നമ്പറുകളും, എക്സ്പെയര്‍ ആയ നമ്പറുകളും ആദ്യ സേവന ദാതാവിലേയ്ക്ക് തന്നെ മടങ്ങിപ്പോകും.

വിവിധ മൊബൈല്‍ സേവന ദാതാക്കള്‍ അവരുടെ സേവനങ്ങള്‍ മെച്ചപ്പെടുന്നതിന് നമ്പര്‍ പോര്‍ട്ടബിലിറ്റി സംവിധാനം വഴിയൊരുക്കും. കമ്പനികള്‍ തമ്മില്‍ മത്സരിക്കുമ്പോള്‍ ഏറ്റവും മെച്ചപ്പെട്ട സേവനം ഉപയോക്താവിന് ലഭ്യമാവുകയും ചെയ്യും.

ഓര്‍കുട്ടില്‍ വൈറസ് - bom sabado സ്ക്രാപ്പുകള്‍ വില്ലന്മാര്‍

2010-09-25T23:27:00.000-07:00

കടന്നു പോയ ഏതാനും മണിക്കൂറുകളില്‍ താങ്കളുടെ ഓര്‍കുട്ട് അക്കൌണ്ടില്‍ കൂട്ടുകാരുടെ സ്ക്രാപ്പുകള്‍ ലഭിച്ചിട്ടുണ്ടെങ്കില്‍ അത് bomb amungu, bom sabado എന്നീ പേരുകള്‍ ഉള്ളതല്ലെന്ന് ഉറപ്പുവരുത്തുക. ഈ പേരുകള്‍ ഉള്ള ഓര്‍കുട്ട് സ്ക്രാപ്പുകള്‍ വൈറസുകളാണ്. കൂട്ടുകാരുടെ പേരില്‍ അയയ്ക്കപ്പെടുന്ന ഈ സ്ക്രാപ്പുകള്‍ തുറക്കാതിരിക്കുക. ഇത്തരം സ്ക്രാപ്പുകള്‍ ലഭിച്ചുവെങ്കില്‍ ഉടന്‍ ഓര്‍കുട്ട് സൈന്‍ ഔട്ട് ചെയ്യുക. ബ്രൌസര്‍ ഹിസ്റ്ററി ക്ലിയര്‍ ചെയ്യുക. ബ്രൌസര്‍ കുക്കിയില്‍ നിന്നും ഓര്‍ക്കുട്ട്, ജീമെയില്‍ അക്കൌണ്ടുകളുടെ ഇന്‍ഫര്‍മേഷന്‍ അടിച്ചുമാറ്റുന്ന വില്ലന്മാരാണിവര്‍. ഗൂഗിള്‍ ആവശ്യമായ നടപടികള്‍ തുടങ്ങി.

മെയില്‍ ബോക്സില്‍ വരുന്ന കൂട്ടുകാരുടെ സ്ക്രാപ് കാണുവാന്‍ ഓര്‍കുട്ടില്‍ എത്തുമ്പോള്‍ നമ്മുടെ അക്കൌണ്ട് ഇന്‍ഫര്‍മേഷന്‍ ഈ വൈറസ് അടിച്ചുമാറ്റും. നമ്മുടെ പേരില്‍ മറ്റ് കൂട്ടുകാര്‍ക്ക് സ്ക്രാപ്പുകളും അയയ്ക്കും. അറിയാതെ ഇത്തരം സ്ക്രാപ്പുകള്‍ തുറന്നുവെങ്കില്‍ താങ്കളുടെ അക്കൌണ്ടും മോഷ്ടിക്കപ്പെട്ടതായി കരുതാം. താങ്കളുടെ അറിവില്‍ പെടാത്ത കമ്മ്യൂണിറ്റികളില്‍ ജോയിനിങ്ങ് നടന്നിട്ടുണ്ടോയെന്ന് ഉറപ്പുവരുത്തുക. അത്തരം കമ്മ്യൂണിറ്റികള്‍ നീക്കം ചെയ്യുക. എത്രയും വേഗം ഗൂഗിള്‍ പാസ് വേര്‍ഡുകള്‍ മാറ്റി അക്കൌണ്ട് സുരക്ഷിതമാക്കുക.

http://tptools.org/worm.js എന്ന ലിങ്കില്‍ ഉള്ള ജാവ സ്ക്രിപ്റ്റ് ഉള്‍ക്കെള്ളുന്ന ഒരു ഹിഡന്‍ ഫ്രെയിം പേജാണ്‍് ഓര്‍കുട്ട് സ്ക്രാപ്പിലൂടെ സിസ്റ്റത്തില്‍ കടക്കുന്നത്. ഉപയോഗിക്കുന്ന ബ്രൌസറിന്റെ കുക്കിയില്‍ നിന്നും പാസ് വേര്‍ഡുകള്‍ കോപി ചെയ്യുകയാണ്‍് സ്ക്രിപ്റ്റിന്റെ ദൌത്യം. കൃത്യമായ പ്ലെയിന്‍ ടെക്റ്റില്‍ പാസ് വേര്‍ഡ് വായിക്കുവാന്‍ കഴിയില്ലെങ്കിലും ഇതുപയോഗിച്ച് അക്കൌണ്ടില്‍ ലോഗിന്‍ ചെയ്യാനാകും.

ചില വരിക്കാര്‍ക്ക് അവരുടെ ഗൂഗിള്‍, ഓര്‍കുട്ട് അക്കൌണ്ടുകള്‍ ഓപണ്‍ ചെയ്യുവാന്‍ കഴിയാതെ വന്നിട്ടുണ്ട്. ഗൂഗിള്‍ ഫോറം കാണുക.

http://www.google.com/support/forum/p/orkut/thread?tid=18f70771cb0c5140&hl=en

ഗൂഗിള്‍, പൂര്‍ണ്ണമായി പ്രശ്നപരിഹാരം നടത്തുന്നതുവരെ ഓര്‍കുട്ട് ഉപയോഗിക്കാതിരിക്കുക.

ഡിസ്പോസബിള്‍ ഈമെയിലുകള്‍

2010-09-25T04:22:00.000-07:00

ഇത് ഡിസ്പോസബിള്‍ ഐറ്റംസിന്റെ കാലമാണല്ലോ. ഡിസ്പോസബിള്‍ ഈമെയില്‍ അഡ്രസുകളും വേണമെങ്കില്‍ കിട്ടും. താല്‍ക്കാലികമായ ഉപയോഗത്തിനുവേണ്ടി ഡിസ്പോസിബിള്‍ ഈമെയില്‍ അഡ്രസുകള്‍ ഉപയോഗിക്കാം. മിക്ക വെബ്സൈറ്റുകളിലും തന്നെ ഈമെയില്‍ ഉപയോഗിച്ചുള്ള രജിസ്ട്രേഷന്‍ ഉണ്ടാവും. കാണുന്ന വെബ്സൈറ്റുകളിലെല്ലാം യഥാര്‍ത്ഥ ഈമെയിലുകള്‍ ഉപയോഗിക്കുമ്പോള്‍ സ്പാം ബോട്ടുകള്‍ക്ക് നമ്മുടെ മെയില്‍ അഡ്രസ് കണ്ടെത്തുവാന്‍ എളുപ്പമാണ്‍്. ഫലമോ, സ്പാം മെയിലുകള്‍ കൊണ്ട് നമ്മുടെ ഇന്‍ബോക്സ് നിറയും.

ഡിസ്പോസബിള്‍ അഡ്രസുകള്‍ വളരെ പെട്ടന്ന് നിര്‍മ്മിക്കാം. താല്‍ക്കാലികമായി രജിസ്ട്രേഷനുകള്‍ വേണ്ടി വരുമ്പോള്‍, പുതിയ മറ്റൊരു ഈമെയില്‍ നിര്‍മ്മിക്കാതെ, ഒരു മണിക്കൂറോ, ഏതാനും മിനിട്ടുകള്‍ മാത്രമോ വാലിഡിറ്റിയുള്ള ഡിസ്പോസബിള്‍ ഈമെയിലുകള്‍ ഉപയോഗിക്കാം. അതുവഴി സ്പാം ബോട്ടുകളുടെ കണ്ണില്‍ നിന്നും നമ്മുടെ ഈമെയില്‍ അഡ്രസിനെ ഒരു പരിധി വരെ രക്ഷിക്കാം.

ഒരു മണിക്കൂര്‍ നേരത്തേയ്ക്ക് മാത്രം ഈമെയില്‍ ഐഡി നല്‍കുന്ന ഒരു വെബ്സൈറ്റാണ്‍് http://www.guerrillamail.com/. ഈ വെബ്സൈറ്റില്‍ വന്നശേഷം “Get temporary email" എന്ന ലിങ്ക് ക്ലിക്ക് ചെയ്യുക. വെബ്സൈറ്റ് തനിയെ ഒരു താല്‍കാലിക ഈമെയില്‍ അഡ്രസ് നിര്‍മ്മിച്ചു തരും (ഉദാഃ udlflip@@guerrillamailblock.com). 10 സെക്കന്‍ഡുകള്‍ മാത്രം കാത്തിരിക്കുക. മറ്റൊരു വെബ്സൈറ്റില്‍ നിന്നും ഈ അഡ്രസിലേയ്ക്ക് ഒരു ഈമെയില്‍ അയച്ചുനോക്കുക. പേജിന്റെ മുകളിലായി Latest Emails Received: എന്ന ഭാഗത്ത് നമ്മള്‍ അയച്ച മെയില്‍ വരും. ഓരോ പത്ത് സെക്കന്‍ഡിലും ഈ കോമണ്‍ ഇന്‍ബോക്സ് അപ്ഡേറ്റാവും.

അവിടെ മെസേജ് വന്നാല് ഉടന്‍ തന്നെ താല്‍ക്കാലിക ഈമെയില്‍ കാണിച്ചിരിക്കുന്നതിന്‍് താഴെയുള്ള Reload ലിങ്ക് അമര്‍ത്തുക. നമുക്കുള്ള താല്‍ക്കലിക ഇന്‍ബോക്സും, മെസേജും ഒരു ടേബിളില്‍ അവിടെ പ്രത്യക്ഷപ്പെടും. ഓരോ മെസേജിനും ‘Show‘ ലിങ്കും, ‘Delete‘ ലിങ്കും ഉണ്ട്. ‘Show‘ ലിങ്ക് അമര്‍ത്തിയാല്‍ മെസേജ് പൂര്‍ണ്ണമായി വായിക്കാം. മെസേജിനു താഴെ മറുപടി അയയ്ക്കുവാനുള്ള Reply ലിങ്കും ഉണ്ട്. ഒരു മണിക്കൂര്‍ സമയം ഈ ഈമെയില്‍ അഡ്രസ് നമുക്ക് ഉപയോഗിക്കാം. ഫീഡ് റീഡറില്‍ ബുക്മാര്‍ക് ചെയ്യുവാനും കഴിയും.

നമുക്കിഷ്ടമുള്ള ഡിസ്പോസിബിള്‍ ഈമെയില്‍ (ഉദാഃ mbk@guerrillamailblock.com) അഡ്രസ് നിര്‍മ്മിക്കണമെങ്കില്‍ “Get temporary email" എന്നതിന്‍് താഴെയുള്ള ഇന്‍പുട് ബോക്സില്‍ അഡ്രസ് ടൈപ് ചെയ്യുക. 'Set/ Check' ബട്ടണ്‍ അമര്‍ത്തുക. ലഭ്യമാണെങ്കില്‍ അഡ്രസ് അവിടെ കാണിക്കും. അല്ലെങ്കില്‍ മറ്റൊന്ന് തെരഞ്ഞെടുക്കുക. ബാക്കി നടപടികള്‍ മുകളിലത്തേതുപോലെ തന്നെ. ആവശ്യം കഴിഞ്ഞ് Forget me എന്ന ലിങ്ക് ക്ലിക്ക് ചെയ്താല്‍ ഈമെയിലും, ഇന്‍ബോക്സും എല്ലാം ഡിസ്പോസാവും.

വര്‍ഷം തോറും പണം നല്‍കി നിലനിര്‍ത്താവുന്ന ($24/year) സ്ഥിരം മെയില്‍ അക്കൌണ്ട് സേവനവും http://guerrillamail.com/ നല്‍കുന്നുണ്ട്.

സമാന സേവനം നല്‍കുന്ന മറ്റ് ചില വെബ്സൈറ്റുകള്‍ താഴെ.

10MinuteMail
Youmailr
20MinuteMail
AnonymBox
DeadAddress
Deagot

DodgeIt
InboxFreedom
Incognitomail
Jetable
Mailinator
MintEmail

MyTrashMail
Soodonims
Spam La
Spamavert
SpamBox
Spamevader

SpamFree24
Spamobox
Spamspot
Tempail
Tempemail
Tempinbox

മറുമൊഴിഃ (പഠിക്കുവാനും, അത്യാവശ്യഘട്ടങ്ങളില്‍ നിയമങ്ങള്‍ക്ക് വിധേയമായും മാത്രം ഈ സൌകര്യം ഉപയോഗിക്കുക. ഇത്തരം വെബ് സൈറ്റുകള്‍ ഉപയോഗിച്ച് അനാവശ്യ മെയിലുകള്‍ അയയ്ക്കുന്നതും, ഈമെയില്‍ ഫോര്‍വേര്‍ഡ് ചെയ്യുന്നതും, ശിക്ഷാര്‍ഹമാണ്‍്.)

വരുന്നു ഇന്റര്‍നെറ്റ് എക്സ്പ്ലോറര്‍ 9

2010-09-24T22:58:00.000-07:00

ഇന്റര്‍നെറ്റ് എന്ന് കേള്‍ക്കുമ്പോള്‍ തന്നെ ഇന്റര്‍നെറ്റ് എക്സ്പ്ലോറര്‍ ആയിരിക്കും ഒരു പക്ഷെ നമ്മുടെ മനസ്സില്‍ തെളിയുക. അതിന് ഒരു കാരണവുമുണ്ട്. ഇന്റര്‍നെറ്റ് ഇത്രയും ജനകീയമായത് മൈക്രോസോഫ്റ്റിന്റെ ഇന്റര്‍നെറ്റ് എക്സ്പ്ലോററിന്റെ വരവോടെയാണ്. മിക്കവരും ഇന്റര്‍നെറ്റ് ഉപയോഗിച്ച് തുടങ്ങുന്നതും ഇന്റര്‍നെറ്റ് എക്സ്പ്ലോറററിലൂടെയായിരിക്കും.

വിന്‍ഡോസ് 95 ന്റെ വരവോടെ നിലവിലുണ്ടായിരുന്ന നെറ്റ്സ്കേപ് അടക്കമുള്ള മറ്റ് ബ്രൌസിങ്ങ് സോഫ്റ്റ്വെയറുകളെയെല്ലാം പിന്തള്ളിയാണ് ഇന്റര്‍നെറ്റ് എക്സ്പ്ലോറര്‍ ബ്രൌസറുകളില്‍ രാജാവായത്. ഇപ്പോഴും ആ സ്ഥാനം നിലനില്‍ക്കുന്നു എന്നുതന്നെ പറയാം. 95% ആളുകളും ബ്രൌസിങ്ങിനായി ഇന്റര്‍നെറ്റ് എക്സ്പ്ലോററാണ് ഉപയോഗിച്ചിരുന്നത്.

സുരക്ഷിതത്വത്തിലുള്ള പോരായ്മകളും, വൈറസ് ആക്രമണത്തെ കാര്യക്ഷമമായി ചെറുത്തുനില്‍ക്കാനുള്ള കെല്‍പ്പില്ലാതെ വന്നതും ചിലരെയെങ്കിലും മറ്റ് ബ്രൌസറുകള്‍ ഉപയോഗിക്കുവാന്‍ പ്രേരിപ്പിച്ചു. വിഡോസ് എക്സ്പിയോടൊപ്പം വന്ന എക്സ്പ്ലോറര്‍ 6 ഇക്കാര്യത്തില്‍ വലിയ വെല്ലുവിളികള്‍ നേരിട്ടു. അവസരം മുതലെടുത്ത മോസില്ല ഫയര്‍ഫോക്സ്, എക്സ്പ്ലോററിന്റെ എതിരാളിയായി. ഗൂഗിള്‍ക്രോം വന്നതോടെ ബ്രൌസര്‍ രംഗത്ത് മത്സരം ശക്തമായി. ഇന്റര്‍നെറ്റ് എക്സ്പ്ലോററിന്റെ ഉപയോഗം ഗണ്യമായി കുറയുവാന്‍ തുടങ്ങി. ഏകദേശം 55%.

വിസ്റ്റ, വിന്‍ഡോസ് 7 എന്നിവയിലൂടെ പരിഷ്കരിച്ച എക്സ്പ്ലോറര്‍ പതിപ്പുകള്‍ (Explorer 7, Explorer 8) മൈക്രോസോഫ്റ്റ് അവതരിപ്പിച്ചു. പഴയ എക്സ്പ്ലോറര്‍ ഉപയോഗിക്കുന്നവര്‍ക്ക് അപ്ഗ്രേഡ് ചെയ്യുവാനും അവസരം നല്‍കി. എക്സ്പ്ലോററിന്റെ നഷ്ടപ്പെട്ട പ്രതാപം വീണ്ടെടുക്കുവാന്‍ ശ്രമിക്കുകയായിരുന്നു. ഇപ്പോള്‍ 60% ആളുകള്‍ ബ്രൌസിങ്ങിന് ഇന്റര്‍നെറ്റ് എക്സ്പ്ലോറര്‍ ഉപയോഗിക്കുന്നു എന്നാണ് കണക്ക്. ബാക്കിയുള്ള 40% ആളുകള്‍ മറ്റ് വെബ്ബ് ബ്രൌസറുകളായ ഫയര്‍ഫോക്സ്, ഗൂഗിള്‍ക്രോം, സഫാരി, ഒപേറ എന്നിങ്ങനെയുള്ള മറ്റ് ബ്രൌസറുകള്‍ ഉപയോഗിക്കുന്നു.

എക്സ്പ്ലോററിന്റെ ഏറ്റവും പുതിയ വേര്‍ഷന്‍ ‘ഇന്റര്‍നെറ്റ് എക്സ്പ്ലോറര്‍ 9’ റിലീസിന് തയ്യാറാവുകയാണ്. ഡെമോ വേര്‍ഷന്‍ പുറത്തിറങ്ങിക്കഴിഞ്ഞു. ഇവിടെനിന്നും ഡെമോ വേര്‍ഷന്‍ ഫ്രീയായി ഡൌണ്‍ലോഡ് ചെയ്യാം.

പുതിയ വേര്‍ഷനില്‍ എക്സ്പ്ലോററിന്റെ രൂപ ഭാവങ്ങള്‍ ആകെ മാറി. ടൂള്‍ മെനു, ടാബുകളോട് ചേര്‍ന്ന് വലതു വശത്ത് മുകളിലായി ക്രമീകരിച്ചിരിക്കുന്നു. ഫേവറേറ്റ് ബട്ടണും, ഹോം ബട്ടണും ഇതിനോട് ചേര്‍ന്നിരിക്കുന്നു.

സ്ഥിരം സന്ദര്‍ശിക്കുന്ന വെബ് പേജുകള്‍ ടാസ്ക് ബാറില്‍ പിന്‍ ചെയ്യാം. അഡ്രസ്സ് ബാറിന്റെ ഇടത് വശത്തോ, വെബ്സൈറ്റ് ഐക്കണിലോ ക്ലിക്ക് ചെയ്ത്, ടാസ്ക് ബാറിലേയ്ക്ക് ഡ്രാഗ് ചെയ്താല്‍ വെബ് പേജ് പിന്‍ ചെയ്യാം.

ഡൌണ്‍ലോഡുകള്‍ ലിസ്റ്റ് ചെയ്ത് കാണിക്കുന്ന ഡൌണ്‍ലോഡ് മാനേജര്‍. ടാബ്ഡ് പേജിനെ, ടാബില്‍ ക്ലിക്ക് ചെയ്ത് എക്സ്പ്ലോററിന് പുറത്തേയ്ക്ക് ഡ്രാഗ് ചെയ്താല്‍ പുതിയ വിന്‍ഡോവില്‍ ലഭിക്കുന്ന ‘റ്റിയര്‍ ഓഫ് ടാബ്‘ പ്രൊപ്പര്‍ട്ടി. നവീകരിച്ച ടാബ് പേജ്. വെബ്സേര്‍ച്ചിങ്ങ് നല്‍കുന്ന അഡ്രസ് ബാര്‍ . ബ്രൌസ്രിന്റെ താഴെ തെളിഞ്ഞുവരുന്ന നോട്ടിഫിക്കേഷന്‍ ബാര്‍ . വീഡിയോ സ്ട്രീമിങ്ങിനെയും, ഗ്രാഫിക്സിനെയും ശക്തമായി പിന്തുണയ്ക്കുന്ന ബ്രൌസര്‍ പ്ലാറ്റ്ഫോം.

ഇത്രയും പ്രത്യേകതകളുള്ള എക്സ്പ്ലോറര്‍ 9, പക്ഷെ വിന്‍ഡോസ് എക്സ്പിയില്‍ പ്രവര്‍ത്തിക്കുകയില്ല. വിസ്റ്റയോ, വിന്‍ഡോസ് 7 നോ ആവശ്യമാണ്‍്. ഏറെ പ്രതീക്ഷകളോടെ പുറത്തിറങ്ങുന്ന എക്സ്പ്ലോറര്‍ 9 നല്ല പ്രകടനം കാഴ്ചവെക്കുമെന്ന് നമുക്ക് പ്രത്യാശിക്കാം.

ഓണ്‍ ലൈന്‍ ബിസിനസ് കാര്‍ഡുകള്‍

2010-09-23T07:26:00.000-07:00

ഒരു വ്യക്തിയേയോ, സ്ഥാപനത്തെയോ സംബന്ധിച്ച വിവരങ്ങള്‍ അടങ്ങിയ കാര്‍ഡാണല്ലോ ബിസിനസ് കാര്‍ഡ്. വിസിറ്റിങ്ങ് കാര്‍ഡെന്നും വിളിക്കും. പേര്, മേല്‍ വിലാസം, ബന്ധപ്പെടുവാനുള്ള മാര്‍ഗ്ഗങ്ങള്‍, ചെയ്യുന്ന തൊഴില്‍, നല്‍കുന്ന സേവനം എന്നീ വിവരങ്ങള്‍ ഒരു ബിസിനസ് കാര്‍ഡില്‍ ഉണ്ടാവും. നമ്മളുമായി ബന്ധപ്പെടുന്നതിനും, നമ്മുടെ സേവനങ്ങള്‍ മറ്റുള്ളവരെ അറിയിക്കുന്നതിനും ഈ ബിസിനസ് കാര്‍ഡുകള്‍ നമ്മള്‍ ഉപയോഗിക്കുന്നു.

ആധുനിക ലോകത്ത് ദൂരം ഒന്നിനും ഒരു തടസ്സമാകുന്നില്ലല്ലോ. ഇന്റര്‍നെറ്റ് വന്നതോടെ ആശയ വിനിമയത്തിനുള്ള മാര്‍ഗ്ഗങ്ങളും വിപുലമായി. കേവലം ഒന്നോ രണ്ടോ ആശയ വിനിമയ ഉപാധികളല്ല ഇന്റര്‍നെറ്റും, മൊബൈല്‍ ഫോണുമൊക്കെ ഉപയോഗിക്കുന്ന നമുക്കോരോരുത്തര്‍ക്കും ഉള്ളത്. എല്ലാവര്‍ക്കും തന്നെ രണ്ടോ, അതിലധികമോ ഫോണ്‍ നമ്പറുകള്‍ ഉണ്ടാവും. ഈമെയില്‍ ഐഡികള്‍, വെബ്ബ്സൈറ്റ് അഡ്രസ്സുകള്‍, ബ്ലോഗ് അഡ്രസുകള്‍, കമ്മ്യൂണിറ്റി നെറ്റ് വര്‍ക് പ്രൊഫൈലുകള്‍, സ്കൈപ് ഐഡി, ജീറ്റോക് ഐഡി, ഫയല്‍ ഷെയറിങ്ങ് പ്രൊഫൈല്‍, അങ്ങിനെ നീണ്ടു പോകുന്നു നമ്മുടെ ആശയ വിനിമയ മാര്‍ഗ്ഗങ്ങള്‍.

ഇവയെല്ലാം നമ്മുടെ ഈമെയില്‍ സിഗ്നേച്ചറിലും, ലെറ്റര്‍ പാഡുകളിലും, വിസിറ്റിങ്ങ് കാര്‍ഡുകളിലുമൊക്കെ നിരത്തുന്നത് അരോചകമായിരിക്കും. ഒരു വലിയ സ്ഥലം അതിനായി വേണ്ടി വരികയും ചെയ്യും. അവിടെയാണ്‍് ഓണ്‍ ലൈന്‍ ബിസിനസ് കാര്‍ഡുകളുടെ പ്രാധാന്യം. ഒരു ഓണ്‍ ലൈന്‍ പ്രൊഫൈല്‍ നിര്‍മ്മിച്ച്, ഒരു പേഴ്സണല്‍ ഡാഷ് ബോര്‍ഡില്‍ വേണ്ടതെല്ലാം ഉള്‍ക്കൊള്ളിച്ച്, ആ അഡ്രസ് മേല്‍ പറഞ്ഞവയില്‍ ഉപയോഗിച്ചാല്‍ എല്ലാം എളുപ്പമായി. നിരത്തിപ്പിടിച്ചുള്ള തിരുത്തലുകള്‍ ഒഴിവാക്കാം. മാറ്റങ്ങളും കൂട്ടിച്ചേര്‍ക്കലുകളും എല്ലാം ഒരു സ്ഥലത്ത്.

ഉപയോഗിക്കുന്നവര്‍ക്ക് ഉചിതമായ മാര്‍ഗ്ഗങ്ങള്‍ നമ്മുടെ ഓണ്‍ ലൈന്‍ ബിസിനസ് കാര്‍ഡില്‍ നിന്നും തെരഞ്ഞെടുക്കാം. ആര്‍ക്കും എവിടെനിന്നും നമ്മുടെ പ്രൊഫൈല്‍ കാണാം. ഷെയര്‍ ചെയ്യാം. ഈമെയിലില്‍ ഫോര്‍വേര്‍ഡ് ചെയ്യാം. അങ്ങനെ പോകുന്നു ഓണ്‍ലൈന്‍ ബിസിനസ് കാര്‍ഡിന്റെ പ്രയോജനങ്ങള്‍.

ഓണ്‍ലൈന്‍ പ്രൊഫൈല്‍ (ഓണ്‍ ലൈന്‍ ബിസിനസ് കാര്‍ഡ് / വിര്‍ച്വല്‍ ബിസിനസ് കാര്‍ഡ്) നിര്‍മ്മിക്കുവാന്‍ സഹായിക്കുന്ന വിവിധ സൌജന്യ വെബ്ബ്സൈറ്റുകള്‍ നിലവിലുണ്ട്. ആദ്യം http://chi.mp/ യെ പരിചയപ്പെടാം. www.yourname.mp എന്ന് പ്രൊഫൈല്‍ പേജ് സൌജന്യമായി നല്‍കുന്ന വെബ്ബ്സൈറ്റാണിത്. സൈന്‍ അപ് ചെയ്താല്‍ നമ്മുടെ പ്രൊഫൈല്‍ പേജ് നിര്‍മ്മിക്കാം. വിവിധ ആക്ടിവിറ്റികളെ ഇവിടെ മെര്‍ജ് ചെയ്യാം. chi.mp ഐഡി ഓപ്പണ്‍ ഐഡി (Open ID) ആയതിനാല്‍ അതുപയോഗിച്ച് വിവിധ സൈറ്റുകളില്‍ ലോഗിന്‍ ചെയ്യുവാനും കഴിയും. ChiPro വേര്‍ഷനില്‍ ഈമെയില്‍ ഫോര്‍വേര്‍ഡ്, ഡൊമൈന്‍ ഫോര്‍വേര്‍ഡ്, വിവിധ ഗൂഗിള്‍ ആപ്ലിക്കേഷന്‍സ് മെര്‍ജ് ചെയ്യുവാനുള്ള സൌകര്യം എന്നിവ ലഭിക്കും. ഒരു ഉദാഹരണം http://rawr.mp/

എളുപ്പമുള്ള പ്രൊഫൈല്‍ URL ലഭിക്കുന്ന മറ്റൊരു വെബ് സൈറ്റ് ആണ്‍് http://myonepage.com. രജിസ്റ്റര്‍ ചെയ്താല്‍ ഒരു പ്രൊഫൈല്‍ പേജ് ലഭിക്കും. അതില്‍ എല്ലാ കോണ്ടാക്ട് ഇന്‍ഫര്‍മേഷനും ഉള്‍പ്പെടുത്താം. ഒരു ഉദാഹരണം http://myonepage.com/adellecharles.

ഗൂഗിള്‍ പ്രൊഫൈല്‍ പേജാണ്‍് മറ്റൊന്ന്. http://www.google.com/profiles. ഗൂഗിള്‍ അക്കൌണ്ട് ഉപയോഗിച്ച് പ്രൊഫൈല്‍ പേജ് എഡിറ്റ് ചെയ്യാം. ഗൂഗിള്‍ മാപ് ഉപയോഗിച്ച് ലൊക്കേഷന്‍ കാണിക്കാം. വിവിധ ഗൂഗിള്‍ സേവനങ്ങളെയും, മറ്റ് വെബ്സൈറ്റുകളെയും പ്രൊഫൈലില്‍ കണക്ട് ചെയ്യാം.

യാഹു നല്‍കുന്ന സേവനമാണ്‍് http://www.mybloglog.com. യാഹു ഐഡി ഉപയോഗിച്ച് മൈ ബ്ലോഗ് ലോഗില്‍ ലോഗിന്‍ ചെയ്യാം. മൈ ബ്ലോഗ് ലോഗ് കണക്ട് ചെയ്തിരിക്കുന്ന വെബ്സൈറ്റുകളിലെ പ്രൊഫൈല്‍ ഇമേജില്‍ ക്ലിക്ക് ചെയ്യുമ്പോള്‍ ‘മൈ ബ്ലോഗ് ലോഗ് പ്രൊഫൈല്‍‘ ലഭിക്കും. നമ്മുടെ സോഷ്യല്‍ നെറ്റ്വര്‍ക് ആക്ടിവിറ്റികള്‍ ഇവിടെ ഷെയര്‍ ചെയ്യുവാനും സൌകര്യമുണ്ട്.

മനോഹരമായ ഓണ്‍ലൈന്‍ വിര്‍ച്വല്‍ കാര്‍ഡ് നല്‍കുന്ന മറ്റൊരു വെബ്സൈറ്റാണ് http://card.ly/. ഇതിനു പുറമെ www.friendfeed.com, www.retaggr.com, www.about.me എന്നിവയും പേഴ്സണല്‍ പ്രൊഫൈല്‍ നിര്‍മ്മിക്കുവാന്‍ സഹായിക്കുന്ന വെബ്സൈറ്റുകളാണ്‍്. ഇതില്‍ www.about.me പുതിയതാണ്‍്. എല്ലാ സേവനങ്ങളും www.about.me യില്‍ ലഭ്യമായി തുടങ്ങുന്നതേയുള്ളൂ.

ലോക്കല്‍ കമ്പ്യൂട്ടര്‍ ഫോള്‍ഡറുകള്‍ ഇന്റര്‍നെറ്റില്‍

2010-09-22T09:54:00.000-07:00

താങ്കളുടെ കമ്പ്യൂട്ടറിലെ ഫോള്‍ഡറുകളെ ഇനി ലോകത്തെവിടെയിരുന്നും ഉപയോഗിക്കാം. എന്തൊരു ബൃഹത്തായ സംവിധാനം അല്ലേ? അതിന് രണ്ട് നിബന്ധനകള്‍ മാത്രം. ഒന്ന്, താങ്കളുടെ കമ്പ്യൂട്ടര്‍ ഓണ്‍ ആയിരിക്കണം. രണ്ട്, ആ കമ്പ്യൂട്ടര്‍ ഇന്റര്‍നെറ്റില്‍ കണക്ട് ചെയ്തിട്ടുണ്ടാവണം.

സുമോകാസ്റ്റ് (ZumoCast) എന്ന സോഫ്റ്റ് വെയറാണ്‍് ഈ സേവനം നമുക്ക് സാധ്യമാക്കുന്നത്. ഉപയോഗത്തിലെ ലാളിത്യവും, സൌജന്യമായ സേവനവുമാണ്‍് സുമോകാസ്റ്റിനെ ശ്രദ്ധേയമാക്കുന്നത്. ഇനി സുമോകാസ്റ്റ് നമുക്കൊന്ന് ഉപയോഗിച്ചുനോക്കാം.

ആദ്യമായി സുമോകാസ്റ്റിന്റെ വെബ്ബ്സൈറ്റായ zumocast.com ല്‍ പോവുക. ഫ്രണ്ട് പേജില്‍ നിന്നുതന്നെ സോഫ്റ്റ് വെയര്‍ ഡൌണ്‍ലോഡ് ചെയ്യാം. ഏത് ഓപറേറ്റിങ്ങ് സിസ്റ്റമാണെന്ന് തെരഞ്ഞെടുക്കുക. (ഐഫോണുകള്‍ക്കും, ഐപാഡുകള്‍ക്കും വേണ്ട സുമോകാസ്റ്റ് വേര്‍ഷനുകളും ലഭ്യമാണ്‍്. ഐഫോണിലും, ഐപാഡിലും കമ്പ്യൂട്ടറിലെ മ്യൂസിക്, വീഡിയോ ഫോള്‍ഡറുകള്‍ സുമോകാസ്റ്റിലൂടെ ഷെയര്‍ ചെയ്ത് ഉപയോഗിക്കാം. വേണമെങ്കില്‍ ഡൌണ്‍ലോഡ് ചെയ്യുകയും ചെയ്യാം. വീട്ടിലെ കമ്പ്യൂട്ടറിലുള്ള പാട്ടുകളും, വീഡിയോയും മറ്റൊരിടത്തിരുന്ന് ഐഫോണിലൂടെയോ, ഐപാഡിലൂടെയോ കേള്‍ക്കാം, കാണാം.)

ഇന്റര്‍നെറ്റില്‍ ഫോള്‍ഡര്‍ ഷെയര്‍ ചെയ്യേണ്ട കമ്പ്യൂട്ടറില്‍ സുമോകാസ്റ്റ് ഇന്‍സ്റ്റാള്‍ ചെയ്യുക. ഇന്‍സ്റ്റളേഷന്‍ കഴിഞ്ഞാല്‍ ടാസ്ക് ബാറില്‍ സുമോകാസ്റ്റിന്റെ ഒരു നീല ഐക്കണ്‍ പുതിയതായി ഉണ്ടാവും. അതില്‍ ക്ലിക്ക് ചെയ്യുക. സോഫ്റ്റ് വെയര്‍ ഓപണ്‍ ആയി വരും. ഇനി നമുക്ക് ഒരു സുമോ അക്കൌണ്ട് ക്രിയേറ്റ് ചെയ്യണം. അതിനായി “I'm new to ZumoCast (Sign Up FREE)“ എന്ന ഓപ്ഷന്‍ തെരഞ്ഞെടുക്കുക. സൈന്‍ അപ് കഴിഞ്ഞാല്‍ ഷെയര്‍ ചെയ്യേണ്ട ഫോള്‍ഡറുകള്‍ തെരഞ്ഞെടുക്കാം. ഡിഫോള്‍ട്ട് ഫോള്‍ഡറുകള്‍ ഷെയര്‍ ചെയ്തിട്ടുള്ളത് ലിസ്റ്റ് ചെയ്തിട്ടുണ്ടാവും. ആവശ്യമില്ലാത്തവയെ ക്ലിക്ക് ചെയ്ത് സെലക്ഷന്‍ നീക്കം ചെയ്യുക. മറ്റൊരു ഫോള്‍ഡര്‍ ഷെയര്‍ ചെയ്യുന്നതിന് ‘Add folder' ക്ലിക്ക് ചെയ്യുക. Next ബട്ടണ്‍ അമര്‍ത്തി ഇന്‍സ്റ്റളേഷന്‍ ഫിനിഷ് ചെയ്യുക.

അടുത്തതായി, zumocast.com ല്‍ സൈന്‍ ഇന്‍ ആവുക. അതിനായി കമ്പ്യൂട്ടറിലെ സുമോകാസ്റ്റ് സോഫ്റ്റ് വെയറില്‍, അക്കൌണ്ട് നിര്‍മ്മിച്ചപ്പോള്‍ നല്‍കിയ ഈമെയില്‍ അഡ്രസ്സും, പാസ് വേര്‍ഡും നല്‍കുക. കമ്പ്യൂട്ടറിന്റെ ഷെയര്‍ ചെയ്ത ഫോള്‍ഡറുകള്‍ ഇപ്പോള്‍, ഈ വെബ്ബ്സൈറ്റിലും ലഭിക്കും. ഇനി ഇന്റര്‍നെറ്റിലൂടെ ലോകത്തെവിടെയിരുന്നും ഈ ഫോള്‍ഡറുകള്‍ ഉപയോഗിക്കാമല്ലോ. വെബ്ബ് ഉപയോഗിക്കുന്ന ഏത് സിസ്റ്റത്തില്‍ നിന്നും ഫയലുകള്‍ ഈ ഫോള്‍ഡറുകളിലേയ്ക്ക് അപ് ലോഡ് ചെയ്യുകയുമാവാം. ഉപയോഗിച്ചശേഷം സൈന്‍ ഔട്ട് ചെയ്യാന്‍ മറക്കരുത്.

കമ്പ്യൂട്ടറിന്റെ ടാസ്ക് ബാറിലെ സുമോകാസ്റ്റ് ഐക്കണ്‍ അമര്‍ത്തി പ്രിഫറന്‍സ് എടുത്താല്‍ ‘മാനേജ് കണ്ടന്റ്‘ എന്ന വിഭാഗത്തില്‍ ഫോള്‍ഡറുകള്‍ മാനേജ് ചെയ്യാം. പ്രിഫറന്‍സിലെ ‘സെറ്റിങ്ങ്സില്‍‘ സുമോകാസ്റ്റിനെയും മാനേജ് ചെയ്യാം.

സുമോകാസ്റ്റിന്റെ സൌജന്യ സേവനത്തിലൂടെ ലഭ്യമാവുന്ന പ്രയോജനങ്ങള്‍.

ലോക്കല്‍ കമ്പ്യൂട്ടറിലെ ഫയലുകളും, ഫോള്‍ഡറുകളും ഇന്റര്‍നെറ്റിലൂടെ ലോകത്തെവിടെനിന്നും ഉപയോഗിക്കാം.
ഷെയര്‍ ചെയ്തിട്ടുള്ള ഫോള്‍ഡറുകള്‍ സുമോ അക്കൌണ്ട് ഉപയോഗിച്ച് സുരക്ഷിതമായി കൈകാര്യം ചെയ്യാം. ഫോള്‍ഡറുകള്‍ ഉപയോഗിക്കേണ്ട കമ്പ്യൂട്ടറുകളില്‍ യാതൊരു സോഫ്റ്റ് വെയറും ഇന്‍സ്റ്റാള്‍ ചെയ്യേണ്ട ആവശ്യമില്ല.
ഷെയര്‍ ചെയ്ത ഫോള്‍ഡറുകള്‍ ഇന്റര്‍നെറ്റില്‍ എവിടെയും അപ് ലോഡ് ചെയ്യപ്പെടുന്നില്ല.
വീഡിയോകളും, പാട്ടുകളും കണ്‍ വേര്‍ട്ട് ചെയ്യാതെ, ഡൌണ്‍ലോഡ് ചെയ്യാതെ കാണുകയും, കേള്‍ക്കുകയും ചെയ്യാം.
ഡോക്യുമെന്റുകള്‍ ഡൌണ്‍ലോഡ് ചെയ്തെടുക്കാം.
ഐപാഡുകളിലും, ഐഫോണുകളിലും കമ്പ്യൂട്ടര്‍ ഫോള്‍ഡറുകള്‍ ഷെയര്‍ ചെയ്യാം.
ഷെയര്‍ ചെയ്തിരിക്കുന്ന ഫോള്‍ഡറുകളിലേയ്ക്ക് ഫയലുകള്‍ നെറ്റിലൂടെ അപ് ലോഡ് ചെയ്യാം.
എല്ലാത്തിനും ഉപരിയായി, കാര്യങ്ങള്‍ ലളിതമായി കൈകാര്യം ചെയ്യാം. വേഗത അല്പം കുറഞ്ഞ ഇന്റര്‍നെറ്റിലും !

ശബ്ദിക്കുന്ന പരസ്യം - ടൈംസ് ഓഫ് ഇന്ത്യ ന്യൂസ് പേപ്പറില്‍

2010-09-21T23:03:00.000-07:00

സംസാരിക്കുന്ന ദിനപ്പത്രം എന്ന ആശയം യാഥാര്‍ത്ഥ്യമാവാന്‍ ഇനി അധികനാള്‍ വേണ്ടി വരില്ല. സാങ്കേതിക വിദ്യയുടെ വികാസം അത്രത്തോളമെത്തി എന്നതിന്‍് തെളിവാണ്‍് ഇന്നത്തെ ടൈംസ് ഓഫ് ഇന്ത്യ ദിനപ്പത്രം. പേപ്പറിന്റെ പിന്‍ പേജില്‍ വോക്സ് വാഗണിന്റെ പരസ്യത്തിലാണ്‍് ഓഡിയോ ക്ലിപ്പിങ്ങ് ഉള്‍ക്കൊള്ളിച്ചിരിക്കുന്നത്. വീണ്ടും വീണ്ടും കണ്‍ഫ്യൂഷനാവണ്ട. ടൈംസ് ഓഫ് ഇന്ത്യയുടെ പ്രിന്റഡ് എഡീഷനില്‍ തന്നെയാണ്‍് ഈ സംഭവം.

പേപ്പര്‍ മടക്ക് നിവര്‍ത്തുമ്പോള്‍ തന്നെ ഓഡിയോ ക്ലിപ്പിങ്ങ് പ്രവര്‍ത്തിച്ചുതുടങ്ങും.

(കടപ്പാട് : TejasNair @ YouTube)

പേപ്പര്‍ നിവര്‍ത്തുമ്പോള്‍ പേജില്‍ ഒട്ടിച്ചു വച്ചിരിക്കുന്ന ഇലക്ട്രോണിക് ബോര്‍ഡിലെ ചിപ്പുകള്‍ അത് മനസ്സിലാക്കുകയും ചിപ്പിലെ ഓഡിയോ ക്ലിപ്പിങ്ങ് പ്ലേ ചെയ്യുകയും ചെയ്യും. ബോര്‍ഡില്‍ തന്നെ ഇതിനായി ചെറിയ സ്പീക്കറും ഉണ്ട്. ന്യൂസ് പേപ്പര്‍ മടക്കുന്നതുവരെ ക്ലിപ്പിങ്ങ് തുടര്‍ച്ചയായി പ്ലേ ചെയ്തുകൊണ്ടിരിക്കും.

ചിത്രത്തില്‍ കാണുന്നതാണ്‍് ന്യൂസ് പേപ്പറില്‍ ഒട്ടിച്ചുവച്ചിരിക്കുന്ന ഇലക്ട്രോണിക് ബോര്‍ഡ്.

ഡിജിറ്റല്‍ ചിത്രങ്ങളുടെ വിശദാംശങ്ങള്‍ - എക്സിഫ് ഡേറ്റയിലൂടെ

2010-09-21T02:27:00.000-07:00

ഡിജിറ്റല്‍ ക്യാമറയില്‍ എടുത്ത ചിത്രങ്ങള്‍ക്ക് നല്ല വ്യക്തതയും, ഉയര്‍ന്ന ഗുണ നിലവാരവും ഉണ്ടാവുമല്ലോ. മികച്ച ഡിജിറ്റല്‍ ക്യാമറയില്‍ എടുത്ത ചിത്രങ്ങള്‍ ജീവന്‍ തുടിക്കുന്നതും കൂടുതല്‍ വ്യക്തതയുള്ളവയുമായിരിക്കും. ചില ചിത്രങ്ങള്‍ നമ്മള്‍ കാണുമ്പോള്‍ അത് ഏത് ക്യാമറ ഉപയോഗിച്ച് എടുത്തതായിരിക്കുമെന്ന് അറിയുവാന്‍ നമ്മള്‍ ആഗ്രഹിക്കാറുണ്ട്. കമ്പ്യൂട്ടറില്‍ ചിത്രങ്ങളുടെ പ്രോപ്പര്‍ട്ടി നോക്കിയാല്‍ വളരെ വിരളമായ ഡേറ്റയേ ചിത്രങ്ങളെ സംബന്ധിച്ച് നമുക്ക് ലഭിക്കുന്നുള്ളൂ. ഉദാഹരണത്തിന്‍് ചിത്രത്തിന്റെ വലിപ്പം, റെസല്യൂഷന്‍, ഫോര്‍മാറ്റ്, എന്നിവ.

എന്നാല്‍ ചിത്രങ്ങള്‍ എടുക്കുമ്പോള്‍ തന്നെ ഡിജിറ്റല്‍ ക്യാമറ ആ ചിത്രത്തെ സംബന്ധിക്കുന്ന എല്ലാ വിവരങ്ങളും ചിത്രത്തോടൊപ്പം ടാഗ് ചെയ്യാറുണ്ട്. ഇതിനെ ‘മെറ്റാ ടാഗിങ്ങ്‘ എന്നാണ്‍് വിളിക്കുക. ഇങ്ങനെ ചിത്രങ്ങളില്‍ മെറ്റാ ടാഗ് ചെയ്യപ്പെടുന്ന വിവരങ്ങളെയാണ്‍് ‘എക്സിഫ് ഡേറ്റ’ (Exif) എന്ന് വിളിക്കുന്നത്. എക്സ്ചേഞ്ചബിള്‍ ഇമേജ് ഫയല്‍ (Exchangeable Image File) എന്നതിന്റെ ചുരുക്കമാണ്‍് എക്സിഫ് (Exif). 1998 ല്‍ ജപ്പാന്‍ ഇലക്ട്രോണിക് ഇന്‍ഡസ്ട്രീസ് ഡെവലപ്മെന്റ് അസോസിയേഷന്‍ (Japan Electronic Industries Development Association) ആണ്‍് എക്സിഫ് ഡേറ്റ ടാഗിങ്ങിനുള്ള സ്പെസിഫിക്കേഷന്‍ കൊണ്ടുവന്നത്. ഇതിന്റെ പരിഷ്ക്കരിച്ച വേര്‍ഷന്‍ 2010 ഏപ്രിലില്‍ നിലവില്‍ വന്നു. ഇതനുസരിച്ച് വിവിധ ക്യാമറ കമ്പനികള്‍ ചിത്രത്തോടൊപ്പം എക്സിഫ് ഡേറ്റ, മെറ്റാ ടാഗ് ചെയ്യുവാനുള്ള സംവിധാനങ്ങള്‍ ഉപയോഗിക്കുന്നു.

പുതിയ എക്സിഫ് ഡേറ്റ സ്പെസിഫിക്കേഷന്‍ അനുസരിച്ച് ചിത്രത്തോടൊപ്പം ലഭിക്കുന്ന വിവരങ്ങള്‍ അനവധിയാണ്‍്. ഒരു എക്സിഫ് ഡേറ്റാ റീഡര്‍ ഉപയോഗിച്ച് ഈ വിവരങ്ങള്‍ നമുക്ക് വായിക്കുവാന്‍ കഴിയും. എക്സിഫ് എഡിറ്റര്‍ ഉപയോഗിച്ച് വിവരങ്ങള്‍ എഡിറ്റ് ചെയ്യുകയുമാവാം. വിന്‍ഡോസില്‍ ഇമേജിന്റെ പ്രൊപ്പര്‍ട്ടി വിന്‍ഡോവില്‍ (ഒറിജിനല്‍ ഇമേജില്‍ മൌസ് റൈറ്റ് ക്ലിക്ക് ചെയ്യുക. Properties സെലക്ട് ചെയ്യുക) സമ്മറി ടാബിലെ അഡ്വാസ്ഡ് എന്ന സെക്ഷനില്‍ എക്സിഫ് ഡേറ്റ വായിക്കാം.

വിന്‍ഡോസ് 7 ല്‍ പ്രോപ്പര്‍ട്ടി വിന്‍ഡോയിലെ ‘Details’ ടാബില്‍ എക്സിഫ് ഡേറ്റ വായിക്കുവാനും, എഡിറ്റ് ചെയ്യുവാനും കഴിയും. അടിസ്ഥാന വിവരങ്ങള്‍ക്ക് പുറമെ, ചെത്രമെടുത്ത ക്യാമറ മോഡല്‍, കമ്പനി, ചിത്രം എടുത്ത സമയം, ഉപയോഗിച്ച ലെന്‍സ്, ഫ്ലാഷ്, ISO സ്പീഡ്, എക്സ്പോഷര്‍ ടൈം തുടങ്ങി ചിത്രമെടുത്ത സ്ഥലം വരെയുള്ള വിശദാംശങ്ങള്‍ എക്സിഫ് ഡേറ്റയില്‍ ഉള്‍ക്കൊള്ളുന്നു.

ഓണ്‍ലൈനായി എക്സിഫ് ഡേറ്റ വായിക്കുവാന്‍ കഴിയുന്ന വെബ്ബ്സൈറ്റുകള്‍ അനേകമുണ്ട്. ചിത്രത്തിന്റെ URL നല്‍കുകയോ, ചിത്രം ബ്രൌസ് ചെയ്ത് കൊടുക്കുകയോ ചെയ്താല്‍ ആ ചിത്രത്തിലെ എക്സിഫ് ഡേറ്റ ലഭ്യമാക്കും. http://exifdata.com/, http://regex.info/exif.cgi എന്നിവ ഓണ്‍ലൈന്‍ എക്സിഫ് റീഡര്‍ സൈറ്റുകളാണ്‍്.

എക്സിഫ് റീഡുചെയ്യുവാനും എഡിറ്റ് ചെയ്യുവാനും സഹായിക്കുന്ന ഒരു ഫ്രീവെയര്‍ ടൂളാണ്‍് ഒപാണ്ട ഐ എക്സിഫ് (Opanda IExif). 2.5 എം.ബി ഫയല്‍ സൈസ് വരുന്ന, വിന്‍ഡോസില്‍ വര്‍ക്ക് ചെയ്യുന്ന ഈ സോഫ്റ്റ് വെയര്‍ ഇവിടെനിന്നും ഡൌണ്‍ലോഡ് ചെയ്യാം. ഇന്‍സ്റ്റാള്‍ ചെയ്ത ശേഷം ഇമേജ് ഫയല്‍ ഓപണ്‍ ചെയ്യുക. ഓരോ ഡേറ്റയും എഡിറ്റ് ചെയ്യുവാനും സൌകര്യമുണ്ട്.

ബ്രൌസറുകളില്‍ പ്ലഗ്ഗിന്‍ ആയി എക്സിഫ് റീഡറുകള്‍ ഇന്‍സ്റ്റാള്‍ ചെയ്യാം. ബ്രൌസറില്‍ കാണുന്ന ഏത് ചിത്രത്തിന്റെയും എക്സിഫ് ഡേറ്റ റീഡ് ചെയ്യുവാന്‍ ഈ പ്ലഗ്ഗിന്‍ സഹായിക്കും. മോസില ഫയര്‍ ഫോക്സില്‍ ‘എക്സിഫ് ഡേറ്റ റീഡര്‍ പ്ലഗ്ഗിന്‍‘ ഇന്‍സ്റ്റാള്‍ ചെയ്യാന്‍ ഇവിടെ ഞെക്കുക. ഇപ്പോള്‍ മോസില ഫയര്‍ഫോക്സ് അല്ല താങ്കള്‍ ഉപയോഗിക്കുന്നതെങ്കില്‍ ഫയര്‍ഫോക്സ് ഓപണ്‍ ചെയ്ത ശേഷം ഈ ലിങ്കിലേയ്ക്ക് പോവുക. പ്ലഗ്ഗിന്‍ താനെ ഇന്‍സ്റ്റാള്‍ ആയിക്കൊള്ളും. ഇന്‍സ്റ്റാള്‍ ചെയ്ത ശേഷം ഫയര്‍ഫോക്സ് ബ്രൌസറില്‍, ഇമേജിനു മുകളില്‍ റൈറ്റ് മൌസ് ക്ലിക്ക് ചെയ്താല്‍ എക്സിഫ് ഡേറ്റ വായിക്കുവാനുള്ള ഓപ്ഷന്‍ കാണാം.

എല്ലാ ചിത്രങ്ങള്‍ക്കും എക്സിഫ് ഡേറ്റ ലഭ്യമാവണമെന്നില്ല. എങ്കിലും ഫോട്ടോഗ്രഫിയെ സ്നേഹിക്കുന്നവര്‍ക്കും ഫോട്ടോയുടെ സാങ്കേതിക വിവരങ്ങള്‍ അറിയണമെന്നാഗ്രഹിക്കുന്നവ്ര്ക്കും എക്സിഫ് ഡേറ്റ വളരെ സഹായകമാവും എന്നത് സത്യം.

വിഷ്വല്‍ ഫോട്ടോ ഇഫക്ടുകളുമായി ഫോട്ടോഫണിയ

2010-09-14T11:22:00.000-07:00

2007 ആഗസ്റ്റില്‍ അവതരിച്ച വെബ്സൈറ്റാണ് ഫോട്ടോഫണിയ. ഇതിനോടകം വായനക്കാരില്‍ പലരും ഈ വെബ്സൈറ്റിനെ ഒരു പക്ഷെ പരിചയപ്പെട്ടിരിക്കാം, വെബസൈറ്റില്‍ രൂപപ്പെടുത്തിയെടുത്തിട്ടുള്ള ഇമേജുകള്‍ പലപ്പോഴും കണ്ടിട്ടുമുണ്ടായിരിക്കാം. ഈ വെബ്സൈറ്റ് നല്‍കുന്ന സൌജന്യ സേവനങ്ങള്‍ക്ക് ഇപ്പോഴും പുതുമയും വ്യത്യസ്ഥതയും നിലനില്‍ക്കുന്നതിനാല്‍ കൂടുതല്‍ വായനക്കാരെ ഈ വെബ്സൈറ്റിനെ പരിചയപ്പെടുത്തുവാന്‍ ഞങ്ങള്‍ ആഗ്രഹിക്കുന്നു.

മൊബൈല്‍ഫോണിലോ, ക്യാമറയിലോ നമ്മള്‍ എടുത്ത ചിത്രങ്ങള്‍ക്ക് ഫോട്ടോഷോപ്പ് ഉപയോഗിച്ച് ഇഫക്ടുകള്‍ സൃഷ്ടിക്കുന്നത് സാധാരണമാണ്. ഫോട്ടോഷോപ്പ് എന്ന സോഫ്റ്റ് വെയര്‍ ഇമേജ് ഇഫക്ടുകള്‍ സൃഷ്ടിക്കുന്നതില്‍ വഹിക്കുന്ന പങ്ക് ചെറുതൊന്നുമല്ല. ആധുനികമായ മിക്ക ഗ്രാഫിക്സ് വര്‍ക്കുകളും ഫോട്ടോഷോപ്പില്‍ മെനഞ്ഞെടുക്കുന്നവതന്നെയാണ്. ക്ഷണക്കത്തുകളും, ആശംസാ കാര്‍ഡുകളും തയ്യാറാക്കുവാന്‍ ഫോട്ടോഷോപ്പിന്റെ കരവിരുത് അനിവാര്യം തന്നെ.

ഒരു സാധാരണ കമ്പ്യൂട്ടര്‍ ഉപയോക്താവിനെ സംബന്ധിച്ച് ഫോട്ടോഷോപ്പ് ഉപയോഗിച്ച് ഇമേജ് ഇഫക്ടുകള്‍ സൃഷ്ടിക്കുക എന്നത് തികച്ചും ബുദ്ധിമുട്ടുള്ള ഒരു കാര്യമാണ്. മികച്ച ഫിനിഷ് നല്‍കുന്ന ഫോട്ടോ ഇഫക്ടുകള്‍ സൃഷ്ടിക്കുവാന്‍ ഫോട്ടോഷോപ്പോ അതുപോലുള്ള സോഫ്റ്റ് വെയറുകളോ നന്നായി ഉപയോഗിക്കുവാന്‍ അറിയേണ്ടിയിരിക്കുന്നു. ഇവിടെയാണ് ഫോട്ടോഫണിയ എന്ന വെബ്സൈറ്റിന്റെ പ്രാധാന്യം.

ഏത് കമ്പ്യൂട്ടര്‍ ഉപയോക്താവിനും വളരെ സുഗമമായി തന്റെ ഫോട്ടോകളില്‍ ഇഫക്ടുകള്‍ സൃഷ്ടിച്ചെടുക്കുവാന്‍ ഫോട്ടോഫുനിയയുടെ സേവനം സഹായിക്കും. പ്രത്യേകമായ രജിസ്ട്രേഷനോ ഒന്നും ഇതിനായി ആവശ്യമില്ല. സൌജന്യമായി ഈ വെബ്സൈറ്റിന്റെ സേവനം നമുക്ക് പ്രയോജനപ്പെടുത്താവുന്നതാണ്. അത്ഭുതകരമായ ഇമേജ് ഇഫക്ടുകളാണ് ഫോട്ടോഫണിയ പ്രദാനം ചെയ്യുന്നത്.

ഇനി, http://photofunia.com ല്‍ ചെല്ലുക. ധാരാളം ഫോട്ടോ ഇഫക്ടുകള്‍ വെബ്സൈറ്റില്‍ ഡിസ്പ്ലേ ചെയ്തിട്ടുണ്ട്. അതില്‍ ചില ഇഫക്ടുകള്‍ക്ക് ഇമേജ് റെഡിയിലേതുപോലെ ആനിമേറ്റഡ് ഇഫക്ടും കൂടി ലഭിക്കുന്നവയാണ്. ചില ഇഫക്ടുകള്‍ പ്രിന്റ് ക്വാളിറ്റി നല്‍കുന്നവയാണ്. മറ്റ് ചില ഇഫക്ടുകള്‍ ഫേസ് ഡിറ്റക്ഷന്‍ ടെക്നോളജിയില്‍ അധിഷ്ഠിതമാണ്. ഈ പ്രത്യേകതകളോരോന്നും വെബ്സൈറ്റില്‍ പ്രദര്‍ശിപ്പിച്ചിരിക്കുന്ന ഓരോ ഇഫക്ട് ഇമേജിന്റെയും പ്രീവ്യൂ സ്റ്റാമ്പില്‍ നിന്നും താഴെ നല്‍കിയിരിക്കുന്ന ഐക്കണുകള്‍ മുഖേന തിരിച്ചറിയാവുന്നതാണ്.

പ്രിന്റ് ക്വാളിറ്റി നല്‍കുന്ന ഇമേജ് ഇഫക്ടുകള്‍

ആനിമേറ്റഡ് ഇഫക്ടുകള് ‍(100 X100 size) കൂടി ലഭ്യമാവുന്ന ഇമേജ് ഇഫക്ടുകള്‍

ഫേസ് ഡിറ്റക്ഷന്‍ ടെക്നോളജി ഉപയോഗിക്കുന്ന ഇമേജ് ഇഫക്ടുകള്‍.

ഇനി, ഇഷ്ടമുള്ള ഒരു ഇഫക്ടില്‍ ക്ലിക്ക് ചെയ്യുക. ഇപ്പോള്‍ തുറന്ന് വരുന്ന പേജില്‍ നമ്മുടെ ഫോട്ടോ അപ്‌ലോഡ് ചെയ്യുവാനുള്ള സംവിധാനമുണ്ട്. അതിനായി 'Choose file' അമര്‍ത്തുക. അപ്‌ലോഡ് ചെയ്ത ഫോട്ടോ, തെരഞ്ഞെടുത്തിട്ടുള്ള ഫോട്ടോ ഇഫക്ടിന് ചേരും വിധം ക്രോപ് ചെയ്ത് നല്‍കാം. ഈ എഡിറ്റിങ്ങിനുശേഷം ‘OK' ബട്ടണ്‍ അമര്‍ത്തുക. ഇപ്പോള്‍ തെരഞ്ഞെടുത്ത ഫോട്ടോയുടെ പ്രിവ്യൂ കാണാവുന്നതാണ്. താഴെ ചിത്രത്തിലേതുപോലെ.

ഇനി 'Go!' ബട്ടണ്‍ അമര്‍ത്തുക. അല്പം കാത്തിരിക്കുക. അപ്‌ലോഡ് ചെയ്ത ഇമേജിന് അത്ഭുതകരമായ ഇഫക്ടുകള്‍ നല്‍കി, സേവ് ചെയ്യുവാന്‍ പാകത്തിന് വെബ്സൈറ്റ് ലഭ്യമാക്കും. സേവ് ഐക്കണ്‍ അമര്‍ത്തിയാല്‍ ഇമേജ് സേവ് ചെയ്യാം.പ്രൊഫൈല്‍ ഇമേജായി 100 X 100 പിക്സല്‍ സൈസിലും ഇമേജ് സേവ് ചെയ്യാം. ആനിമേറ്റഡ് ഇമേജുകള്‍ മിക്കവയും ചെറിയ സൈസില്‍ മാത്രമേ സേവ് ചെയ്യാനൊക്കൂ. ട്വിറ്റര്‍, ഫേസ്ബുക്ക്, ലൈവ് ജേര്‍ണല്‍, ലൈവ് ഇന്റര്‍നെറ്റ് എന്നീ വെബ്സൈറ്റുകളില്‍ വേണമെങ്കില്‍ ഇമേജ് ഷെയര്‍ ചെയ്യാം. കൂടാതെ അല്പം പണം മുടക്കാമെങ്കില്‍ http://www.touchnote.com എന്ന വെബ്സൈറ്റിലൂടെ കുറഞ്ഞ ചെലവില്‍ ഇമേജിന്റെ ഒരു പ്രിന്റ് തപാലില്‍ നേരിട്ട് ആര്‍ക്കെങ്കിലും എത്തിക്കുകയുമാവാം. ആശംസാ കാര്‍ഡായും, ക്ഷണക്കത്തായും അയയ്ക്കാമെന്ന് ചുരുക്കം.

ഒരു ബ്രൌസര്‍ സെഷനില്‍ നമ്മള്‍ അപ്‌ലോഡ് ചെയ്ത ഇമേജുകള്‍ വീണ്ടും വീണ്ടും ഉപയോഗിക്കുവാന്‍ സാധിക്കും. നിരവധി ഫോട്ടോ ഇഫക്ടുകള്‍ നിസ്സാരമായി കൈകാര്യം ചെയ്യാന്‍ സഹായിക്കുന്ന ഈ വെബ്സൈറ്റ്, ഒരു ഗ്രാഫിക് ഡിസൈനറല്ലാത്ത കമ്പ്യൂട്ടര്‍ ഉപയോക്താവിനും അപാരമായ ഇമേജ് ഇഫക്ടുകള്‍ സൃഷ്ടിച്ചെടുക്കുവാന്‍ സഹായിക്കുന്നു. 10 MB യില്‍ താഴെ ഫയല്‍ സൈസ് വരുന്ന JPG, GIF, PNG ഫോര്‍മാറ്റിലുള്ള ഇമേജുകള്‍ ഫോട്ടോഫണിയയില്‍ ഉപയോഗിക്കാം. ഫോട്ടോഫ്ണിയയുടെ ലാബ് എന്ന പേജില്‍ പോര്‍ട്രൈറ്റുകളും, പ്രൊഫൈല്‍ ഇമേജുകളും ഇതുപോലെ നിര്‍മ്മിച്ചെടുക്കാം.

ഫോട്ടോഫണിയയില്‍ ചെയ്ത ചില ഇമേജ് ഇഫക്ടുകള്‍...

ഇന്റര്‍നെറ്റ് എക്സ്പ്ലോററില്‍ ബുക്മാര്‍ക് മാനേജ്മെന്റ്

2010-09-14T03:49:00.000-07:00

ഇന്റര്‍നെറ്റിലെ നിരവധി വെബ്ബ് പേജുകളിലൂടെ ദിവസവും യാത്ര ചെയ്യുന്നവരാണല്ലോ നമ്മള്‍. സ്ഥിരമായി ഉപയോഗിക്കുന്ന വെബ്ബ്സൈറ്റുകള്‍ നമ്മള്‍ ഓര്‍ത്തിരുന്നേക്കാം. എന്നാല്‍ സ്ഥിരമായി ഉപയോഗിക്കാത്ത എത്രയെത്ര നല്ല വെബ്ബ് പേജുകള്‍ നമ്മള്‍ സന്ദര്‍ശിക്കുന്നു. പിന്നീട് ഒന്നുകൂടി വായിക്കുവാന്‍ അല്ലെങ്കില്‍ പുതുക്കലുകള്‍ അറിയുവാന്‍ നമ്മള്‍ സന്ദര്‍ശിക്കുന്ന വെബ്ബ് പേജുകളും , വെബ്ബ്സൈറ്റുകളും ഓര്‍മ്മിച്ചുവയ്ക്കുക അസാധ്യം തന്നെ. ഇവിടെയാണ് ബുക്മാര്‍ക്കിങ്ങിന്റെ പ്രാധാന്യം. സ്ഥിരമായി ഇന്റര്‍നെറ്റ് ഉപയോഗിക്കുന്നവരാണെങ്കില്‍ കൂടി ബുക്മാര്‍ക്കിങ്ങ് സംവിധാനം ഉപയോഗിക്കുന്നവര്‍ ഒരു പക്ഷെ ചുരുക്കമായിരിക്കും.

വെബ്ബ് ബ്രൌസിങ്ങിനുവേണ്ടി നമ്മള്‍ ഉപയോഗിക്കുന്ന ബ്രൌസറുകളില്‍ വളരെ എളുപ്പത്തില്‍ ഓരോ വെബ്പേജും ബുക്ക്മാര്‍ക്ക് ചെയ്യുവാന്‍ സൌകര്യമൊരുക്കിയിട്ടുണ്ട്. ഏറ്റവും അധികം ആളുകള്‍ ഉപയോഗിക്കുന്ന ഇന്റര്‍നെറ്റ് എക്സ്പ്ലോററില്‍ ഈ ഓപ്ഷന്‍ ‘ഫേവറൈറ്റ്സ്‘ എന്നാണ് അറിയപ്പെടുന്നത്. എക്സ്പ്ലോററിന്റെ മെനു ബാറിലെ ഫേവറൈറ്റ്സില്‍ ക്ലിക്ക് ചെയ്താല്‍ മൈക്രോസോഫ്റ്റ് സജ്ജീകരിച്ചിട്ടുള്ള ഡിഫോള്‍ട്ട് ഫേവറൈറ്റ് ലിങ്കുകള്‍ കാണാം. ഒരു പേജ് സന്ദര്‍ശിക്കുമ്പോള്‍ ഫേവറൈറ്റ്സ് മെനുവിലെ ‘ആഡ് റ്റു ഫേവറൈറ്റ്സ്‘ എന്ന ലിങ്ക് ക്ലിക്ക് ചെയ്ത് നിലവില്‍ ബ്രൌസറില്‍ കാണുന്ന പേജിനെ ബുക്മാര്‍ക്ക് ചെയ്യാം. ഈ ലിങ്ക് ക്ലിക്ക് ചെയ്യുമ്പോള്‍ ഒരു വിന്‍ഡോ ഓപണ്‍ ചെയ്ത് വരും. അവിടെ ലിങ്കിന് സമാനമായ പേജിന്റെ ടൈറ്റിലും ഉണ്ടാവും. കാറ്റഗറി തിരിച്ച് ബൂക്മാര്‍ക്ക് ചെയ്യുന്നതിന് 'Create in' എന്നതിനു നേരെ ഫോള്‍ഡറുകള്‍ സെലക്ട് ചെയ്യാം. പുതിയ ഫോള്‍ഡര്‍ നിര്‍മ്മിക്കുവാന്‍ 'New Folder' ക്ലിക്ക് ചെയ്താല്‍ മതി. ബുക്മാര്‍ക്കുകളും, ഫോള്‍ഡറുകളും പുനഃക്രമീകരണം നടത്തുന്നതിന് ‘Organize favorites...' ഉപയോഗിക്കാം. ബുക്മാര്‍ക്കുകള്‍ ഉപയോഗിക്കുമ്പോള്‍ നീണ്ട ലിസ്റ്റുകള്‍ സോര്‍ട്ട് ചെയ്യുവാനും, എഡിറ്റ്, ഡെലീറ്റ്, റീനെയിം, കോപി തുടങ്ങിയ ഓപ്ഷനുകള്‍ ഉപയോഗിക്കുവാനും മെനുവിന്റെ മുകളില്‍ വച്ച് മൌസ് റൈറ്റ്ക്ലിക്ക് ചെയ്താല്‍ മതി.

ബുക്മാര്‍ക് ഉപയോഗിച്ച് തുടങ്ങിയാല്‍ അധികം താമസിയാതെതന്നെ ഒരു വലിയ വെബ്ബ് പേജ് ലിസ്റ്റ് തന്നെ ഓരോ ഫേവറൈറ്റ്സ് ഫോള്‍ഡറുകളിലും നമുക്ക് ഉണ്ടാവും. ഇടയ്ക്കിടെ ‘Organize favorites...' ഉപയോഗിച്ച് അവയെ വേണ്ട വിധം ക്രമീകരിക്കുക. അനാവശ്യ ലിങ്കുകള്‍ ഡെലീറ്റ് ചെയ്യുക.

ബ്രൌസര്‍ ഉപയോഗിക്കുമ്പോള്‍ 'Ctrl + D' അമര്‍ത്തിയാല്‍ ഷോര്‍ട്കട്ടിലൂടെ പേജ് ബുക്മാര്‍ക്ക് ചെയ്യാം. പേജില്‍ വച്ച് മൌസ് റൈറ്റ്ക്ലിക്ക് ചെയ്താലും 'Add to favorites...' ഉപയോഗിക്കാനാകും.

ഇത്രയും കാര്യമായി നമ്മള്‍ പരിപാലിച്ചുപോരുന്ന ബുക്മാര്‍ക്കുകളെ ഇടയ്ക്കിടെ നമ്മള്‍ ബായ്ക്കപ് എടുത്ത് സൂക്ഷിക്കണം. ഇന്റര്‍നെറ്റാണെ... എപ്പോള്‍ വേണമെങ്കിലും ഒരു വൈറസ് അറ്റാക്ക് പ്രതീക്ഷിക്കാം. നെറ്റില്‍ നിന്നുള്ള വൈറസില്‍ ആദ്യം കുടുങ്ങുന്നത് ബ്രൌസര്‍ തന്നെ ആയിരിക്കാം.

ഫയല്‍ മെനുവില്‍ നിന്നും 'Import and export' ഓപ്ഷന്‍ ഉപയോഗിച്ച് ബുക്മാര്‍ക്കുകള്‍ എക്സ്പോര്‍ട്ട് ചെയ്യാം, അല്ലെങ്കില്‍ ബായ്ക്കപ്പായി സൂക്ഷിക്കാം.

ഇന്റര്‍നെറ്റ് എക്സ്പ്ലോററില്‍ ബുക്മാര്‍ക്കുകള്‍ എക്സ്പോര്‍ട്ട് ചെയ്യുന്ന വിധം.

വിവിധ ഇന്റര്‍നെറ്റ് എക്സ്പ്ലോറര്‍ വേര്‍ഷനുകളില്‍ ബുക്മാര്‍ക്കുകള്‍ എക്സ്പോര്‍ട്ട് ചെയ്യുന്ന രീതി ചുവടെ ചേര്‍ക്കുന്നു.

Internet Explorer 5, Internet Explorer 6

File menu > Import and Export > Next > Export Favorites to Netscape > Next.
Click Favorites > Next.
ഡിഫോള്‍ട്ടായി C:\ ഡ്രൈവില്‍ Bookmark.htm. എന്ന് സേവ് ചെയ്യും
Click Next > Finish.

Internet Explorer 7

File menu > Import and Export > Next > Export favorites > Next >
Click Favorites > Next
എക്സ്പോര്‍ട്ട് ചെയ്യെണ്ട ഫോള്‍ഡറുകള്‍ സെലക്ട് ചെയ്യുക. എല്ലാ ഫോള്‍ഡറുകളും എക്സ്പോര്‍ട്ട് ചെയ്യാന്‍ പേരന്റ് ലെവല്‍ ഫേവറൈറ്റ്സ് ഫോള്‍ഡര്‍ സെലക്ട് ചെയ്യുക.
Click Next > Click Next > Finish.

Internet Explorer 8

File menu > Import and Export > Click Export to a file > Next >
Select the Favorites check box > Next.
എക്സ്പോര്‍ട്ട് ചെയ്യെണ്ട ഫോള്‍ഡറുകള്‍ സെലക്ട് ചെയ്യുക. എല്ലാ ഫോള്‍ഡറുകളും എക്സ്പോര്‍ട്ട് ചെയ്യാന്‍ പേരന്റ് ലെവല്‍ ഫേവറൈറ്റ്സ് ഫോള്‍ഡര്‍ സെലക്ട് ചെയ്യുക.
Click Next > Click Next > Finish.

ഇന്റര്‍നെറ്റ് എക്സ്പ്ലോററില്‍ ബുക്മാര്‍ക്കുകള്‍ ഇമ്പോര്ര്ട്ട് ചെയ്യുന്ന വിധം.

വിവിധ ഇന്റര്‍നെറ്റ് എക്സ്പ്ലോറര്‍ വേര്‍ഷനുകളില്‍ ബുക്മാര്‍ക്കുകള്‍ ഇമ്പോര്‍ട്ട് ചെയ്യുന്ന രീതി ചുവടെ ചേര്‍ക്കുന്നു.

Import to Internet Explorer 7

File menu > Import and Export > Next > Import Favorites > Next.

ഇമ്പോര്‍ട്ട് ചെയ്യേണ്ട ഫയല്‍ ബ്രൌസ് ചെയ്യുക

Click Next

ഇമ്പോര്‍ട്ട് ചെയ്യേണ്ടത് ഏത് ഫോള്‍ഡറിലാണെന്ന് സെലക്ട് ചെയ്യുക.

Click Next > Finish.

Import Favorites to Internet Explorer 8

File menu > Import and Export > Select Import from a file > Next.

Click Favorites

ഇമ്പോര്‍ട്ട് ചെയ്യേണ്ട ഫയല്‍ ബ്രൌസ് ചെയ്യുക

Click Next

ഇമ്പോര്‍ട്ട് ചെയ്യേണ്ടത് ഏത് ഫോള്‍ഡറിലാണെന്ന് സെലക്ട് ചെയ്യുക.

Click Next > Finish.

വിവിധ എക്സ്പ്ലോറര്‍ വേര്‍ഷനുകളില്‍ നേരിയ വ്യത്യാസങ്ങളേ ഈ ഓപ്ഷനുകള്‍ കൈകാര്യം ചെയ്യുന്ന രീതിയില്‍ വരുത്തിയിട്ടുള്ളൂ. ഒന്നോ രണ്ടോ പ്രാവശ്യം ഇമ്പോര്‍ട്ട് എക്സ്പോര്‍ട്ട് ഓപഷനുകള്‍ കൈകാര്യം ചെയ്താല്‍ മറ്റ് ബ്രൌസറുകളിലും, പുതിയ എക്സ്പ്ലോറര്‍ വേര്‍ഷനുകളിലും അനായാസം ബുക്മാര്‍ക്കുകള്‍ കൈകാര്യം ചെയ്യാം.

രണ്ട് ഓണ്‍ലൈന്‍ ബുക്മാര്‍ക്കിങ്ങ് വെബ്സൈറ്റുകള്‍

2010-09-14T00:21:00.000-07:00

ഇന്റര്‍നെറ്റ് ഉപയോഗിക്കുന്നവര്‍ മിക്കപ്പോഴും ഉപയോഗിക്കുന്ന ഒരു സംവിധാനമാണ്‍് ബുക്മാര്‍ക്കിങ്ങ്. നമുക്ക് പ്രിയപ്പെട്ട പേജുകള്‍ പിന്നീടുള്ള വായനയ്ക്കായി ബുക്മാര്‍ക്ക് ചെയ്ത് സൂക്ഷിക്കാം. സാധാരണയായി നമ്മള്‍ ഉപയോഗിക്കുന്ന സിസ്റ്റത്തിലെ ബ്രൌസറിലാണ്‍് ബുക്മാര്‍ക്കിങ്ങ് ചെയ്യുക. ഇന്റര്‍നെറ്റ് എക്സ്പ്ലോററില്‍ ഫേവറേറ്റ്സ് എന്നും, ഫയര്‍ ഫോക്സ്, ഗൂഗിള്‍ ക്രോം എന്നിവയില്‍ ബുക്മാര്‍ക്സ് എന്നുമാണ്‍് ബുക്മാര്‍ക്കിങ്ങ് ഓപ്ഷന്റെ പേര്‍്.

ഒരു പേജ് സന്ദര്‍ശിക്കുമ്പോള്‍ ബ്രൌസറില്‍ കാണുന്ന ബുക്മാര്‍ക്കിങ്ങ് ബട്ടണ്‍ ഞെക്കിയാല്‍ വളരെ എളുപ്പത്തില്‍ ആ പേജിനെ ബുക്മാര്‍ക്ക് ചെയ്യാം. വിവിധ ഫോള്‍ഡറുകളിലായി ഇനം തിരിച്ച് ബുക്മാര്‍ക്കുകള്‍ സൂക്ഷിക്കുകയും ചെയ്യാം. ഈ ബുക്മാര്‍ക്കുകള്‍ ബായ്ക്കപ് എടുത്ത് സൂക്ഷിക്കുവാനും മറ്റുള്ള ബ്രൌസറിലേയ്ക്ക് ഇമ്പോര്‍ട്ട് ചെയ്യുവാനുമൊക്കെയുള്ള സൌകര്യങ്ങള്‍ ഉണ്ട്. എന്നാല്‍ ഇതൊക്കെ നമ്മള്‍ സ്ഥിരം ഉപയോഗിക്കുന്ന കമ്പ്യൂട്ടറിന്റെ ബ്രൌസറുകളില്‍ മാത്രമെ പറ്റൂ. കമ്പ്യൂട്ടറുകള്‍ മാറി ഉപയോഗിക്കുമ്പോഴും, ബുക്മാര്‍ക്ക് ബായ്ക്കപ്പ് എടുക്കാതെ ബ്രൌസര്‍ മാറ്റി ഉപയോഗിക്കേണ്ടി വരികയും, ഓപ്പറേറ്റിങ്ങ് സിസ്റ്റം മാറ്റുകയുമൊക്കെ ചെയ്യുമ്പോള്‍ നമ്മുടെ പ്രിയപ്പെട്ട ബുക്മാര്‍ക്കുകള്‍ നമുക്ക് നഷ്ടമാകുന്നു.

ഓണ്‍ലൈനായി നമ്മുടെ ബുക്മാര്‍ക്കുകള്‍ സൂക്ഷിക്കുവാന്‍ കഴിഞ്ഞാലോ. ഇന്റര്‍നെറ്റ് ഉപയോഗിക്കുമ്പോള്‍ എവിടെ നിന്ന്, ഏത് കമ്പ്യൂട്ടര്‍ ഉപയോഗിക്കുമ്പോഴും നമ്മുടെ ബുക്മാര്‍ക്കുകള്‍ ഉപയോഗിക്കാം. ഇന്ന് നിരവധി സോഷ്യോ ബുക്മാര്‍ക്കിങ്ങ് വെബ്സൈറ്റുകള്‍ ഉണ്ട്. ബുക്മാര്‍ക്ക് ചെയ്യുക മാത്രമല്ല അവയെ മറ്റുള്ളവരുമായി ഷെയര്‍ ചെയ്യുന്നതിനും ഇത്തരം സോഷ്യൊ ബുക്മാര്‍ക്കിങ്ങ് വെബ്സൈറ്റുകള്‍ സഹായിക്കുന്നു. ഇവിടെ നമ്മള്‍ പരിചയപ്പെടുന്നത് സ്വസ്ഥവും സ്വകാര്യവുമായി നമ്മുടെ ബൂക്മാര്‍ക്കുകളെ ഓണ്‍ലൈനായി സൂക്ഷിക്കുവാന്‍ സഹായിക്കുന്ന രണ്ട് വെബ്സൈറ്റുകളെയാണ്‍്.

ഈസി ബുക്മാര്‍ക്കിങ്ങ് അഥവാ www.easybm.com നെ ആദ്യം പരിചയപ്പെടാം. ഇതൊരു സോഷ്യോബുക്മാര്‍ക്കിങ്ങ് വെബ്സൈറ്റല്ല. നമ്മുടെ പ്രിയപ്പെട്ട ലിങ്കുകളെ ഇനം തിരിച്ച് നമ്മുടെ മാത്രം ഉപയോഗത്തിനായി ഓണ്‍ലൈനായി ഒരു സിങ്കിള്‍ ഡാഷ് ബോര്‍ഡില്‍ സൂക്ഷിക്കാം. ആദ്യമായി www.easybm.com ല്‍ ഒരു അക്കൌണ്ട് ഓപണ്‍ ചെയ്യണം. അത് തികച്ചും സൌജന്യമാണ്‍്, എളുപ്പവുമാണ്‍. ഇനി www.easybm.com അക്കൌണ്ടില്‍ ലോഗിന്‍ ചെയ്യുക. രജിസ്ട്രേഷനില്‍ നല്‍കിയിട്ടുള്ള നിക് നെയിമും, പാസ് വേര്‍ഡും ഇതിനായി ഉപയോഗിക്കണം. അക്കൌണ്ടില്‍ ലോഗിന്‍ ചെയ്യുമ്പോള്‍ സോഫ്റ്റ് വെയര്‍, വെബ്ടൂള്‍സ്, റ്റ്യൂടോറിയല്‍ എന്നിങ്ങനെ മൂന്ന് ഫോള്‍ഡറുകള്‍ കാണാം. ഓരോ ഫോള്‍ഡറിലും '+ Add site' എന്ന ലിങ്ക് കാണാം. അതില്‍ ക്ലിക്ക് ചെയ്താല്‍ പുതിയ ബുക്മാര്‍ക്ക് ആഡ് ചെയ്യാം. ബുക്മാര്‍ക്ക് ടൈറ്റിലും, പേജിന്റെ URL ഉം, ചെറിയ വിശദീകരണവും ടൈപ് ചെയ്ത് സേവ് ചെയ്യാം. ബുക്മാര്‍ക്കിന് പ്രത്യേകം കളര്‍ നല്‍കണമെങ്കില്‍ അതും സാധിക്കും.

അക്കൌണ്ട് സെറ്റിങ്ങ്സില്‍ പോയാല്‍, ബുക്മാര്‍ക്കുകള്‍ പുതിയ പേജില്‍ ഓപണ്‍ ചെയ്യണോ, പേരന്റ് പേജില്‍ തന്നെ ഓപണ്‍ ചെയ്യണോ എന്ന് തീരുമാനിക്കാം. ബുക്മാര്‍ക് പേജില്‍ ഫോള്‍ഡറുകള്‍ മൌസ് ഉപയോഗിച്ച് ഡ്രാഗ് ചെയ്ത് നമുക്ക് ഇഷ്ടമുള്ള രീതിയില്‍ ക്രമീകരിക്കാം. ബുക്മാര്‍ക്കുകളും ഒരു ഫോള്‍ഡറില്‍ നിന്ന് മറ്റൊന്നിലേയ്ക്ക് ഡ്രാഗ് ചെയ്ത് മാറ്റാം. Edit/ delete വിഭാഗത്തില്‍ ഫോള്‍ഡറുകളും, ബുക്മാര്‍ക്കുകളും എഡിറ്റ് ചെയ്യാം. ഡെലീറ്റ് ചെയ്യുകയുമാവാം. Add group അമര്‍ത്തിയാല്‍ പുതിയ ഫോള്‍ഡര്‍ നിര്‍മ്മിക്കാം. നിലവിലുള്ള നമ്മുടെ ബ്രൌസര്‍ ബുക്മാര്‍ക്കുകളെ ഇവിടെയ്ക്ക് ഇമ്പോര്‍ട്ട് ചെയ്യാം. (അതിന്‍് ബ്രൌസറിലെ ബുക്മാര്‍ക്കുകള്‍ ആദ്യം എക്സ്പോര്‍ട്ട് ചെയ്ത് വയ്ക്കണം) അതുപോലെ ഈ വെബ്സൈറ്റിലെ നമ്മുടെ ബുക്മാര്‍ക്കുകള്‍ എക്സ്പോര്‍ട്ട് ചെയ്ത് സൂക്ഷിക്കുകയോ കമ്പ്യൂട്ടറിലെ ബ്രൌസറില്‍ ഇമ്പോര്‍ട്ട് ചെയ്യുകയോ ആവാം.

മറ്റൊരു ബുക്മാര്‍ക്കിങ്ങ് വെബ്സൈറ്റാണ്‍് www.only2clicks.com. ഇവിടെയും നമുക്കൊരു യൂസര്‍ ആക്കൌണ്ട് ആവശ്യമാണ്‍്. സൌജന്യമായി www.only2clicks.com ല്‍ രജിസ്റ്റര്‍ ചെയ്യാം. നമ്മുടെ ഈമെയില്‍ അഡ്രസും, പാസ് വേര്‍ഡുമാണ്‍് ലോഗിന്‍ ചെയ്യുവാന്‍ ആവശ്യപ്പെടുന്നത്. ലോഗിന്‍ പേജില്‍ ഏതാനും ബുക്മാര്‍ക്കുകള്‍ വെബ്സൈറ്റുകളുടെ സ്ക്രീന്‍ഷോട്ടുകളോടുകൂടി ഉണ്ടാവും. ഓരോ ബുക്മാര്‍ക്കിന്റെയും മുകളില്‍ അവ എഡിറ്റ് ചെയ്യുവാനും ഡെലീറ്റ് ചെയ്യുവാനുമുള്ള ടൂളുകള്‍ ഉണ്ട്. പേജിന്റെ ഇടതു വശത്ത് മുകളിലായി പച്ച ഐക്കണോടുകൂടിയുള്ള 'add link' ല്‍ ഞെക്കിയാല്‍ പുതിയ ബുക്മാര്‍ക്ക് ആഡ് ചെയ്യാം. ഡിസ്പ്ലേ നെയിമും, URL ഉം നല്‍കി ബുക്മാര്‍ക്ക് സേവ് ചെയ്യാം. സ്ക്രീന്‍ഷോട്ട് താനെ വന്നുകൊള്ളും. ഒരു കസ്റ്റമൈസ്ഡ് ഇമേജ് നല്‍കണമെങ്കില്‍ മാത്രം അപ്ലോഡ് ഇമേജ് ഓപ്ഷന്‍ ഉപയോഗിച്ചാല്‍ മതി. സേര്‍ച്ച് ബോക്സില്‍ നിന്നും നേരിട്ട് പ്രധാന സേര്‍ച്ച് വെബ്സൈറ്റുകള്‍ ആഡ് ചെയ്യാം. പ്രൊഫൈല്‍ സെറ്റിങ്ങ്സില്‍ പേജ് ഓപണിങ്ങ് ഓപ്ഷനുകള്‍ തെരഞ്ഞെടുക്കാം. ഇവിടെയും ബുക്ക്മാര്‍ക്കുകള്‍ ഇമ്പോര്‍ട്ട് ചെയ്യുകയും എക്സ്പോര്‍ട്ടുചെയ്യുകയും ചെയ്യാം. പ്രൊഫൈലിനോട് തൊട്ടു ചേര്‍ന്ന ഇമ്പോര്‍ട്ട് ലിങ്ക് ക്ലിക്ക് ചെയ്താല്‍ മതി. കാറ്റഗറി ടാബുകള്‍ എഡിറ്റ് ചെയ്യുകയും പുതിയത് കൂട്ടിച്ചേര്‍ക്കുകയും ചെയ്യാം. ഹോം - ന്റെ വലതുവശത്തെ ഐക്കണ്‍ (എഡിറ്റ് കാറ്റഗറി) ഞെക്കിയാല്‍ മതി.

പേജിനു താഴെ ഇടതു വശത്ത് ബുക്മാര്‍ക്കുകള്‍ ആല്‍ഫബെറ്റിക്കലി സോര്‍ട്ട് ചെയ്യാനും ഷെയര്‍ ചെയ്യുവാനും സൌകര്യമുണ്ട്. ഈ വെബ്സൈറ്റിന്റെ സേവനം ഇഷ്ടമായെങ്കില്‍ ഒരു തുക ഡൊണേറ്റ് ചെയ്യണമെങ്കില്‍ അതിനും സൌകര്യമുണ്ട്.

എപ്പിക് - ഇന്ത്യയിലെ ആദ്യ വെബ്ബ് ബ്രൗസർ

2010-09-09T02:58:00.000-07:00

ഇന്ത്യയിൽ നിർമ്മിച്ച ആദ്യ വെബ്ബ്‌ ബ്രൗസർ എപ്പികിനെ പരിചയപ്പെട്ടോ? ജൂലായിൽ പുർത്തിറങ്ങിയ ഈ വെബ്ബ്‌ ബ്രൗസർ ബാംഗ്ളൂരിലെ ഹിഡൺ റിഫ്ളക്സ്‌ എന്ന സോഫ്റ്റ്‌ വെയർ സ്ഥാപനമാണ്‌ പുറത്തിറക്കിയിരിക്കുന്നത്‌. ഇപ്പോൾ എല്ലാവർക്കും സുപരിചിതനായ സ്വതന്ത്ര ബ്രൗസറായ, മോസില്ലയെ അടിസ്ഥാനമാക്കിയാണ്‌ എപ്പിക്‌ രൂപപ്പെടുത്തിയിരിക്കുന്നത്‌. നിരവധി ഉപയോഗപ്രദമായ ഫീച്ചറുകൾ എപ്പികിൽ ഉൾപ്പെടുത്തിയിരിക്കുന്നു. ബില്റ്റ്‌ ഇൻ ആന്റി വൈറസ്‌, ബ്രൗസർ സൈഡ്‌ ബാർ, പ്രൈവറ്റ്‌ ബ്രൗസിങ്ങ്‌ എന്നിവ എപ്പിക്കിനുള്ള ഏതാനും സവിശേഷതകളാണ്‌. മൾട്ടി ടാബ്‌ ബ്രൗസിങ്ങ്‌ സൗകര്യങ്ങൾക്കു പുറമെ, യാഹൂ, ഗൂഗിൾ, ഓർകുട്ട്‌, ഫേസ്ബുക്‌, ട്വിറ്റർ തുടങ്ങിയ പ്രധാന വെബ്സൈറ്റുകളിലേയ്ക്ക്‌ ബ്രൗസറിൽ നിന്നുതന്നെ സൈൻ ഇൻ ചെയ്യാം. ഇൻഡ്യാ കണ്ടന്റ്‌, 12 ഇന്ത്യൻ ഭാഷകൾ ടൈപ്പ്‌ ചെയ്യാൻ കഴിയുന്ന ട്രാൻസ്ലേറ്റർ, ഡോക്യുമെന്റ്‌ എഡിറ്റർ, ട്രാവൽ ഡിസ്റ്റൻസ്‌ കണക്കാക്കുന്ന മാപ്‌, ട്രാവൽ സൈഡ്‌ ബാർ, മൈ കമ്പ്യൂട്ടർ സൈഡ്‌ ബാർ, ഇന്ത്യൻ സംസ്ക്കാരത്തോട് ഒട്ടി നില്ക്കുന്ന ബ്രൗസർ തീമുകൾ, ഫയൽ ബാക്കപ്പ്, ടൈമർ അങ്ങിനെ പോകുന്നു വീണ്ടും നിരവധി അനവധി ഫീച്ചറുകൾ. എപ്പിക്കിന്റെ ഔദ്യോഗിക വെബ്സൈറ്റായ www.epicbrowser.com ൽ നിന്നും ബ്രൗസർ ഡൗൺലോഡ് ചെയ്യാം.

വീഡിയോ കണ്‍വേര്‍ട്ടര്‍

2010-08-30T03:20:00.000-07:00

ഇന്റര്‍നെറ്റും മൊബൈല്‍ ഫോണും ജനകീയമായതോടെ വീഡിയോകള്‍ വിവിധ ഫോര്‍മാറ്റുകളില്‍ കണ്‍‌വേര്‍ട്ട് ചെയ്ത് ഉപയോഗിക്കേണ്ടതായി വരുന്നു. വീഡിയോ ക്യാമറകള്‍ mpeg, avi ഫോര്‍മാറ്റുകളില്‍ വീഡിയോ റെക്കോര്‍ഡ് ചെയ്യുമ്പോള്‍ സാധാരണ മൊബൈല്‍ ക്യാമറകള്‍ mp4, 3gp ഫോര്‍മാറ്റുകളിലാണ് വീഡിയോ ഫയലുകള്‍ സേവ് ചെയ്യുക.

ഇന്റര്‍നെറ്റില്‍ വീഡിയോകള്‍ അധികം ലഭിക്കുന്ന വെബ്സൈറ്റാണ് യൂട്യൂബ്. ഏത് വിഭാഗത്തിലുള്ള വീഡിയോകളും യൂട്യൂബില്‍ ധാരാളം. യൂട്യൂബ് വീഡിയോകള്‍ കമ്പ്യൂട്ടറിലേയ്ക്ക് ഡൌണ്‍ലോഡ് ചെയ്യാന്‍ വിവിധ ഡൌണ്‍ ലോഡര്‍ വെബ് സൈറ്റുകളും, സോഫ്റ്റ് വെയറുകളും ലഭ്യമാണ്. ഇങ്ങനെ ഡൌണ്‍ലോഡ് ചെയ്യുന്ന വീഡിയോകള്‍ കമ്പ്യൂട്ടറില്‍ mp4, flv തുടങ്ങിയ ഫോര്‍മാറ്റുകളിലാണ് ലഭിക്കുക. ഇനി ആ വീഡിയോ മൊബൈല്‍ ഫോണില്‍ ഉപയോഗിക്കണമെങ്കില്‍ 3gp കണ്‍‌വേര്‍ട്ടര്‍ ആവശ്യമാണ്. ഇതാ ഇവിടെ ഒരു വീഡിയോ കണ്‍വേര്‍ട്ടര്‍. ഇതുപയോഗിച്ച് വിവിധ ഫോര്‍മാറ്റുകളില്‍ വീഡിയോ കണ്‍‌വേര്‍ട്ട് ചെയ്യാം.

ഒരു വിന്‍ഡോസ് നോട് പാഡ് മായാജാലം!

2010-08-21T02:11:00.000-07:00

വിന്‍ഡോസ് നോട്പാഡ് ഉപയോഗിക്കാത്ത ഒരു കമ്പ്യൂട്ടര്‍ ഉപയോക്താവും കാണില്ല. വിന്‍ഡോസ് XP യിലെ നോട്പാഡില്‍ സംഭവിക്കുന്ന ഒരു കൌതകമാണ് പറയുവാന്‍ പോകുന്നത്. താങ്കള്‍ വിന്‍ഡോസ് XP ഓപ്പറേറ്റിങ്ങ് സിസ്റ്റമാണ് (വിന്‍‌ഡോസ് 7 ല്‍ ഇത് പ്രായോഗികമല്ല.) ഉപയോഗിക്കുന്നതെങ്കില്‍ ഇതൊന്ന് പരീക്ഷിക്കൂ...

1. പുതിയ നോട് പാഡ് ഫയല്‍ ഓപണ്‍ ചെയ്യുക.

2. അതില്‍ Bush hid the facts എന്ന് ടൈപ് ചെയ്യുക

3. ഫയല്‍ ഇഷ്ടമുള്ള പേര് നല്‍കി സേവ് ചെയ്യുക. ക്ലോസ് ചെയ്യുക.

4. അതേ ഫയല്‍ വീണ്ടും തുറക്കുക. എന്ത് സംഭവിച്ചു ?

5. ചില അക്ഷരങ്ങള്‍... ദാ, ഇതുപോലെ ñññññññññ

6. തീര്‍ന്നില്ല. അത് കോപി ചെയ്ത് എം.എസ്. വേര്‍ഡില്‍ പേസ്റ്റ് ചെയ്യുക.

7. കാണുന്നുണ്ടോ ചില ചാങ്‌ച്യൂങ്ങ് അക്ഷരങ്ങള്‍... ദാ ഇതുപോലെ

HTTP 404 - File not found !

2010-08-12T08:46:00.000-07:00

404 Page Not Found! - ഇന്റര്‍നെറ്റ് ഉപയോഗിക്കുന്നവര്‍ക്ക് ഈ സന്ദേശമുള്ള വെബ്ബ് പേജ് സുപരിചിതം. ഒരു പരിധിവരെ ഉപയോക്താവിനെ ദേഷ്യം പിടിപ്പിക്കുന്ന ഒരു സന്ദേശമാണിത്. കണക്ഷന്‍ എററോ, പേജ് എററോ, URL -ലെ അക്ഷര പിശകോ എന്തുമാകാം ഈ സന്ദേശത്തിനു പിന്നില്‍. എന്താണ് ഈ ‘404 Page Not Found‘ എറര്‍ ?

404 എന്നത് ഒരു HTTP സ്റ്റാറ്റസ് കോഡാണ്. HTTP സംവിധാനത്തിലൂടെയാണ് വെബ്ബില്‍ നിന്നും ഉപയോക്താവിന്റെ കമ്പ്യൂട്ടറിലേയ്യ്ക്ക് വിവരങ്ങള്‍ എത്തുക. ഓരോ വെബ്ബ് പേജിനുവേണ്ടിയും ഉപയോക്താവ് പ്രവര്‍ത്തിപ്പിക്കുന്ന കമ്പ്യൂട്ടറിലെ ബ്രൌസര്‍, സെര്‍വറിലേയ്ക്ക് റിക്വസ്റ്റ് അയയ്ക്കുമ്പോള്‍, സെര്‍വറില്‍ നിന്നും ഒരു HTTP സ്റ്റാറ്റസ് കോഡ് ബ്രൌസറിലേയ്ക്ക് തിരിച്ചയയ്ക്കപ്പെടുന്നു. അതിനുശേഷമാണ് പേജുകള്‍ ഉപയോക്താവിന്റെ കമ്പ്യൂട്ടറിലേയ്ക്ക് വന്നുചേരുന്നത്. സാധാരണ പേജുകളെ സംബന്ധിച്ച് HTTP സ്റ്റാറ്റസ് കോഡ് 200 ആണ്. സെര്‍വറില്‍ നിന്നും വിവരങ്ങള്‍ അപ്പോള്‍ തന്നെ കമ്പ്യൂട്ടറില്‍ എത്തിച്ചേരുന്നതിനാല്‍ സ്റ്റാറ്റസ് ഹെഡര്‍ നമ്മള്‍ കാണുന്നില്ല. ഏതെങ്കിലും രീതിയില്‍ സാധാരണ രീതിയിലുള്ള പ്രവര്‍ത്തനങ്ങള്‍ക്ക് തടസ്സം നേരിടുമ്പോഴാണ് 404 പേജ് എറര്‍ സിസ്റ്റത്തില്‍ കാണിക്കുന്നത്. ഇത് ക്ലയന്റ് സൈഡില്‍ നിന്നോ (ഉപയോക്താവിന്റെ കമ്പ്യൂട്ടര്‍), സെര്‍വര്‍ സൈഡില്‍ നിന്നോ സംഭവിക്കാം. World Wide Web Consortium (W3C) ആണ് HTTP സ്റ്റാറ്റസ് കോഡുകള്‍ അനുവദിക്കുന്നത്.

ഇനി, 404 Page Not Found നെ സംബന്ധിച്ച് പറയപ്പെടുന്ന ചരിത്രത്തിലേയ്ക്ക്. തൊണ്ണൂറുകളുടെ ആദ്യം. യൂറോപ്യന്‍ ഹൈ എനര്‍ജി ഫിസിക്കല്‍ ലബോറട്ടറിയില്‍ ടിം ബര്‍ണേഴ്സ്‌ ലി യുടെ നേതൃത്വത്തില്‍ www രൂപം പ്രാപിച്ചതോടെ ഇന്റര്‍നെറ്റ് കൂടുതല്‍ പ്രചാരം നേടി വരുന്ന കാലം. ടെക്സ്റ്റുകളും, ചിത്രങ്ങളും, ശബ്ദവുമെല്ലാം ഉള്‍പ്പെടുന്ന മള്‍ട്ടീമീഡിയാ ഫയലുകള്‍ വെബ്ബില്‍ ട്രാന്‍സ്ഫര്‍ ചെയ്യാവുന്ന തരത്തില്‍ സാങ്കേതികവിദ്യ വളര്‍ച്ച പ്രാപിച്ചു.

വെബ്ബിലുള്ള വിവരങ്ങളുടെ ഒരു ഡേറ്റാബേസ് ഉണ്ടാക്കുക എന്ന ശ്രമകരമായ ജോലിയായിരുന്നു അവിടുത്തെ യുവ ശാസ്ത്രജ്ഞന്മാര്‍ക്ക്. ഫിസിക്കല്‍ ലബോറട്ടറിയുടെ നാലാം നമ്പര്‍ കെട്ടിടത്തിലെ 404 ആം നമ്പര്‍ മുറിയായിരുന്നത്രെ അവരുടേത്. ഡേറ്റാബേസ് ഉണ്ടാക്കുക എന്നത് മാത്രമായിരുന്നില്ല അവരുടെ കടമ. വെബ്ബിലെ സേര്‍ച്ച് റിക്വസ്റ്റുകള്‍ ഈ റൂമിലേയ്ക്ക് തിരിച്ചുവിടുകയും യുവ ശാസ്ത്രജ്ഞര്‍ മാനുവലായി ഉത്തരം കണ്ടെത്തി നല്‍കുകയും ചെയ്തിരുന്നു. (ഇന്ന് ഗൂഗിളും, യാഹുവും ചെയ്യുന്ന സംഗതി !)എന്നാല്‍ ഇന്റര്‍നെറ്റ് പ്രചാരമേറിയതോടെ സേര്‍ച്ച് റിക്വസ്റ്റുകള്‍ അധികമായി. എത്തിച്ചേരുന്ന റിക്വസ്റ്റുകളില്‍ തെറ്റുകളും വര്‍ദ്ധിച്ചു. അപ്പോള്‍ വരുന്ന എല്ലാ റിക്വസ്റ്റുകളേയും കാര്യക്ഷമമായി കണ്ടെത്തി നല്‍കുക എന്നത് ബുദ്ധിമുട്ടായി. ഉടന്‍ തന്നെ ‘റൂം 404; ഫയല്‍ നോട്ട്‌ ഫൗണ്ട്‌‘ എന്ന സന്ദേശം ബുദ്ധിമാന്മാരായ യുവ ശാസ്ത്രജ്ഞര്‍ തിരിച്ചയയ്ക്കുവാന്‍ തുടങ്ങി. “ചില താല്‌കാലികമായ പ്രശ്‌നങ്ങളുണ്ട്‌. ഒരു പക്ഷെ അക്ഷര തെറ്റാകാം. പിന്നീട്‌ സര്‍ച്ച്‌ ചെയ്‌താല്‍ വിവരലഭ്യതയുണ്ടായേക്കാം.“- ഇതാണത്രെ ഈ സന്ദേശം അര്‍ദ്ധമാക്കുന്നത്.

ഇന്റര്‍നെറ്റ് അതിന്റെ ആധുനികമായ രീതിയിലേയ്ക്ക് വളര്‍ന്നപ്പോള്‍ അന്ന് 404 ല്‍ പണിയെടുത്ത യുവ ശാസ്ത്രജ്ഞരോടുള്ള സ്‌മരണ നിലനിര്‍ത്തികൊണ്ട്‌ 404 ഫയല്‍ നോട്ട്‌ ഫൗണ്ട്‌ എന്ന സന്ദേശം ഇപ്പോഴും ഉപയോഗിക്കുന്നു‌. ഫിസിക്കല്‍ ലബോറട്ടറിയുടെ നാലാം നമ്പര്‍ കെട്ടിടത്തിലെ റൂമുകള്‍ 410 ലായിരുന്നത്രെ തുടങ്ങിയിരുന്നത്. അതായത്, റൂം 404 തന്നെ നോട്ട് ഫൌണ്ട്!

നിര്‍മ്മിക്കാം, കമ്പ്യൂട്ടറില്‍ ഒരു രഹസ്യ ഡ്രൈവ്

2010-07-28T09:32:00.000-07:00

കമ്പ്യൂട്ടര്‍ ഉപയോഗിക്കുന്ന മിക്കവരും സിസ്റ്റത്തില്‍ കുറച്ച് സ്പേസ് സ്വകാര്യ ഡോക്ക്യുമെന്റുകള്‍ സൂക്ഷിക്കുന്നതിനായി മാറ്റി വയ്ക്കുന്നവരാണ്. മിക്കവര്‍ക്കും സ്വകാര്യത ലഭിക്കുന്ന തൃപതികരമായ സോഫ്റ്റ് വെയറുകള്‍ ലഭിക്കുന്നില്ല. പല ഫ്രീ വെയറുകള്‍ ലഭിക്കുമെങ്കിലും മിക്കവയും ഒരു മാസമോ, ഒരു വര്‍ഷമോ കഴിയുമ്പോള്‍ വാലിഡേറ്റ് ചെയ്യേണ്ടി വരുന്നു. ചില സോഫ്റ്റ് വെയറുകളില്‍ ഒരു പ്രത്യേക ഫോള്‍ഡറില്‍ മാത്രം ഫയലുകള്‍ സൂക്ഷിക്കേണ്ടതായി വരും. പ്രായോഗികമായി ഇതെല്ലാം ഒരു പരിധിവരെ ബുദ്ധിമുട്ടുകള്‍ തന്നെ.

Dekart ന്റെ Private Disk Light ഒന്ന് ഉപയോഗിച്ചു നോക്കൂ. ഒരു തമ്പ് ഡ്രൈവ് സിസ്റ്റത്തില്‍ എങ്ങിനെ ഉപയോഗിക്കുന്നുവോ, അത്രയും നിസ്സാരമായി രഹസ്യ സ്പേസ് ഒരു ഡ്രൈവ് പോലെ പ്രവര്‍ത്തിക്കും. ആവശ്യമായ സ്പേസ് ഒരു ഫയലായി നിര്‍മ്മിക്കുന്നു. ഏതെങ്കിലും ഫയലിന്റെ രൂപത്തില്‍ (ഫോടോഷോപ്, വേര്‍ഡ് തുടങ്ങിയ)സ്പേസ് നിര്‍മ്മിക്കുവാനും കഴിയും. കാഴ്ചയില്‍, ഡ്രൈവ് സ്പേസ്, നമ്മള്‍ തെരഞ്ഞെടുത്ത ഫയലിന്റെ രൂപത്തിലാണ് എക്സ്പ്ലോററിലും മറ്റും കാണുക. ആവശ്യമുള്ളപ്പോള്‍ Dekart Private Disk Light ലോഡ് ചെയ്ത ശേഷം പ്രസ്തുത ഫയല്‍ ബ്രൌസ് ചെയ്ത് കണക്ട് ചെയ്യുമ്പോള്‍ പാസ്‌വേര്‍ഡ് ചോദിക്കുകയും, യു.എസ്.ബി ഡ്രൈവ് പോലെ രഹസ്യ, വിര്‍ച്വല്‍ ഡ്രൈവ് സിസ്റ്റത്തില്‍ ഉണ്ടാവുകയും ചെയ്യുന്നു.

ഇനി, സാധാരണ രീതിയില്‍ ഒരു ഡ്രൈവില്‍ നമ്മള്‍ എന്തൊക്കെ ചെയ്യുമോ അതെല്ലാം ഇവിടെയും ചെയ്യാം (Copying, editing, drive formating etc). സിസ്റ്റം ഓഫ് ചെയ്യുകയോ, മറ്റെന്തെങ്കിലും കാരണത്താല്‍ ഷട്ഡൌണ്‍ ആവുകയോ ചെയ്യുമ്പോള്‍ വിര്‍ച്വല്‍ ഡ്രൈവ് സ്പേസ് താനെ ക്ലോസ് (encrypt) ആയിക്കൊള്ളും. ഉപയോഗത്തില്‍ ലാളിത്യവും, വേഗതയും, സ്വകാര്യതയും Dekart Private Disk നില നിര്‍ത്തുന്നു. ഇതിന്റെ Light വേര്‍ഷന്‍ ഫ്രീയായി ഉപയോഗിക്കാം. വാലിഡേഷന്‍ ആവശ്യമില്ല. ഇവിടെ ക്ലിക്കിയാല്‍ Dekart Private Disk Light ഡൌണ്‍ലോഡ് ചെയ്യാം.

ഇനി, ഉപയോഗിക്കുന്ന വിധം

Private Disk Light ഇന്‍സ്റ്റാള്‍ ചെയ്യുക
Private Disk Light ഓപണ്‍ ചെയ്യുക
ഡ്രൈവ് create ചെയ്യുന്ന ബട്ടണ്‍ അമര്‍ത്തുക
ഡ്രൈവ് ലെറ്റര്‍ സെലക്ട് ചെയ്യുക (ഉദാ:- N, X, Z)
ആവശ്യമായ സ്പേസ് ടൈപ് ചെയ്യുക (ഉദാ:- 1000 MB)
വിര്‍ച്വല്‍ ഡ്രൈവ് ഫയലിന്റെ appearance ഏത് ഫയല്‍ ഫോര്‍മാറ്റില്‍ വേണമെന്ന് ബ്രൌസ് ചെയ്ത കാണിക്കുക. (Notepad, word, Jpg etc)
തുടര്‍ന്ന് പാസ്‌വേര്‍ഡ് ടൈപ് ചെയ്യുക.
ഡ്രൈവ് ഫോര്‍മാറ്റ് ചെയ്യുക. ഉപയോഗിക്കുക

ഒരു പുലിവാല്‍ പിടിച്ച യൂസറുടെ കത്തും, സപ്പോര്‍ട്ട് സെന്ററിന്റെ മറുപടിയും!

2010-07-24T02:26:00.000-07:00

Dear Customer Support,

ഞാന്‍ കഴിഞ്ഞ 3 വര്‍ഷമായി Girlfriend 7.0 ആണ് ഉപയോഗിച്ചിരുന്നത്. കഴിഞ്ഞ മാസം ഞാനത് Wife 1.0 ആക്കി അപ്‌ഗ്രേഡ് ചെയ്തു. അപ്രതീക്ഷിതമായി ഒന്നുരണ്ട് ദിവസം മുന്‍പ് അതില്‍ child processing 0.0 എന്ന വൈറസ് കടന്നുകൂടിയതായിക്കണ്ടു. പെട്ടന്നുണ്ടായ ഈ ആക്രമണത്തേ തുടര്‍ന്ന് എന്റെ സ്ഥിരം സിസ്റ്റം ആക്ടിവിറ്റികളായ Horse riding (Full version), Magic stick 0.2, Poker Night 10.3 , Football 5. എന്നിവയൊന്നും കാര്യമായി വര്‍ക്ക് ചെയ്യുന്നില്ല. പല വിധ ആന്റീ വൈറസുകളായ Jumping 3.1, Auto travel 7, Scooty rider 5.0 എന്നിവയ്ക്കു പുറമെ Dose -ന്റെ കാലം മുതല്‍ ഇതിനായി ഉപയോഗിക്കുന്ന Green Pappaaya 2.0 ഒക്കെ പരീക്ഷിച്ചു നോക്കി. ഇങ്ങനെ പോയാല്‍ എന്റെ ആക്ടിവിറ്റികള്‍ എല്ലാംതന്നെ ആകെ താറുമാറാകും. Wife 1.0 പലരും നിര്‍ദ്ദേശിച്ചെങ്കിലും ഞാനത് ഉപയോഗിക്കുവാന്‍ തയ്യാറാവാതിരിക്കുകയായിരുന്നു. എന്റെ സുഹൃത്ത് ഉപയോഗിക്കുന്ന സിസ്റ്റം കണ്ടപ്പോഴാണ് എനിക്ക് Wife 1.0 ല്‍ താല്പര്യം തോന്നിയത്. അപ്‌ഗ്രഡേഷനുശേഷം ഒരു പ്രശ്നങ്ങളുമില്ലാതെ സാകൂതം എന്റെ വര്‍ക്കുകള്‍ ചെയ്തുകൊണ്ടിരിക്കവെ, പെട്ടന്നാണ് സിസ്റ്റത്തില്‍ വൈറസ് ആയത്.

ഇനിയിപ്പോള്‍ Wife 1.0 മാറ്റി പഴയ Girlfriend 7.0 തന്നെ ഉപയോഗിക്കുവാന്‍ ഞാന്‍ ആഗ്രഹിക്കുകയാണ്. പക്ഷെ Wife 1.0 അണ്‍ ഇന്‍സ്റ്റാള്‍ ചെയ്യുവാനാവുന്നില്ല. ദയവായി സഹായിക്കൂ...

A troubled customer

---------------------------------------------------------------------
കത്തിന് സപ്പോര്‍ട്ട് സെന്റര്‍ നല്‍കിയ മറുപടി
---------------------------------------------------------------------

Dear User,

Wife 1.0 ഉപയോഗിക്കുന്ന മിക്കവരിലും വളരെ സാധാരണയായി കണ്ടുവരുന്ന ഒരു കുഴപ്പമാണിത്.

എന്ത് ചെയ്താലും പഴയ ഫോമിലേയ്ക്ക് താനെ മടങ്ങി വരാനുള്ള ഒരു കഴിവ് Wife 1.0 ല്‍ inbuilt ചെയ്തിട്ടുണ്ട് എന്ന്‍ താങ്കളെ അറിയിക്കട്ടെ.

child processing 0.0 എന്ന വൈറസ് കടന്നുകൂടിയാല്‍, പത്ത് മാസത്തിനുള്ളില്‍ തന്നെ താങ്കള്‍ Child pro (new version) എന്ന ഒരു അഡീഷണല്‍ സോഫ്റ്റ്‌വെയര്‍ കൂടി വാങ്ങേണ്ടി വന്നേക്കും. Wife 1.0 അതിന്റെ പഴയ ഫോമിലേയ്ക്ക് മടങ്ങി വരുവാന്‍ താങ്കള്‍ നിശ്ചയമായും കാത്തിരിക്കുക. അതുവരെ Child pro (new version)നെ എങ്ങനെ മാനേജ് ചെയ്യാമെന്നും, Wife 1.0 എങ്ങനെ ഉപയോഗിക്കാമെന്നും പറഞ്ഞുതരുന്ന Wife and child support മാനുവലുകള്‍ വായിച്ച് പഠിക്കാവുന്നതാണ്.

Girlfriend 7.0 ഉപയോഗിക്കുന്നതുപോലെ വളരെ ലാഘവ ബുദ്ധിയോടെ കൈകാര്യം ചെയ്യാവുന്ന ഒന്നല്ല Wife 1.0. അത്, ഒരു ഓപറേറ്റിങ്ങ് സിസ്റ്റമാണ്. Girlfriend 7.0 പെട്ടന്ന്‍ ഇന്‍സ്റ്റാള്‍ ചെയ്യുവാനും, ഡെലീറ്റ് ചെയ്യുവാനും പിന്നീട് വേറെ വേര്‍ഷനായി റീപ്ലേസ് ചെയ്യുവാനുമൊക്കെ വളരെ എളുപ്പമാണ്. ഇതൊന്നും അറിയാതെ Wife 0.1 ലേയ്ക്ക് അപ്‌ഗ്രേഡ് ചെയ്ത താങ്കള്‍ക്ക് ഇനി Girlfriend 7.0 ഉപയോഗിക്കുവാന്‍ സാധ്യമല്ല. Wife 1.0 - ഇന്‍സ്റ്റാള്‍ ചെയ്തപ്പോള്‍ അതിന്റെ Terms and Conditions താങ്കള്‍ സമ്മതിച്ചതാണ്. ഒരിക്കല്‍ Wife 1.0 ഇന്‍സ്റ്റാള്‍ ചെയ്താല്‍ പിന്നീടത് Delete ചെയ്യാനോ Uninstall ചെയ്യാനോ Terms and Conditions അനുവദിക്കുന്നില്ല.

Wife 1.0 ഞങ്ങള്‍ റെക്കമണ്ട് ചെയ്യുന്നു. എപ്പോഴും! എന്തെന്നാല്‍, Wife 1.0 ഒരു മികച്ച പ്രോഗ്രാമാണ്. Clean and sweap 3.0, Cook it 3.7, Do that 365 എന്നിവയെല്ലാം വര്‍ക്ക് ചെയ്യുന്ന ഒരേയൊരു ഓപറേറ്റിങ്ങ് സിസ്റ്റം Wife 1.0. മാത്രമാണ്. ദയവായി താങ്കള്‍ അത് മനസ്സിലാക്കുവാന്‍ ശ്രമിക്കുക. മിക്ക പ്രോഗ്രാമുകളും Wife 1.0 ല്‍ വര്‍ക്ക് ചെയ്യും. വളരെ ശ്രദ്ധയോടെ മാത്രം അവ ഇന്‍സ്റ്റാള്‍ ചെയ്യാന്‍ ശ്രമിക്കുക. ഉയര്‍ന്ന പെര്‍ഫോര്‍മന്‍സ് കാഴ്ചവെയ്ക്കും. Wife 1.0 ന്റെ തിരിച്ചു വരവിനായി താങ്കള്‍ കാത്തിരിക്കുക.

മുന്നറിയിപ്പ് : ഏത് സാഹചര്യത്തിലും Wife 1.0-ല്‍ ചെയ്തിരുന്ന ആക്ടിവിറ്റികള്‍ Office secretary Shortskirt 1.0, Child servent (new version), Elder wife 0.0 എന്നീ യൂടിലിറ്റികള്‍ ഉപയോഗിച്ച് ചെയ്യുവാന്‍ ശ്രമിക്കരുത്. അങ്ങിനെ ശ്രമിച്ചാല്‍ Wife 1.0 എന്ന ഓപറേറ്റിങ്ങ് സിസ്റ്റം ഒരിക്കലും പ്രവര്‍ത്തിപ്പിക്കാനാവാത്ത വിധം കാര്യങ്ങള്‍ തകിടം മറിഞ്ഞേക്കാം.

Best of luck,
Tech Support

ഒരു കമ്പ്യൂട്ടര്‍ കെയര്‍ സെന്റര്‍ ഫലിതം!

2010-07-20T02:18:00.000-07:00

കസ്റ്റമര്‍ : ഹലോ കമ്പ്യൂട്ടര്‍ കെയര്‍ സെന്റര്‍

സപ്പോര്‍ട്ടര്‍ : പറയൂ സാര്‍ ! എന്താണ് ആവശ്യം ഞാന്‍ താങ്കളെ തീര്‍ച്ചയായും സഹായിക്കാം

കസ്റ്റമര്‍ : ഞാന്‍ രണ്ടു ദിവസമായി വിളിക്കുന്നു. 0800 2100 എന്ന നമ്പറില്‍ എന്താണ് വിളിച്ചാല്‍ കിട്ടാത്തത്. യൂസര്‍ ഗൈഡില്‍ ഇങ്ങനെ കണ്ടുവല്ലോ. വിളിച്ചാല്‍ കിട്ടാത്ത നമ്പറും നല്‍കി വെറുതെ ആളെ വടിയാക്കുവാണോ ?

സപ്പോര്‍ട്ടര്‍ : ക്ഷമിക്കണം സാര്‍, അത് ഞങ്ങളുടെ വര്‍ക്കിങ്ങ് അവേഴ്‌സ് രേഖപ്പെടുത്തിയിരിക്കുന്നതാണ്. ഞങ്ങളുടെ ഹെല്പ് ലൈന്‍ നമ്പര്‍ ഇപ്പോഴും വര്‍ക്കിങ്ങാണ്.

കസ്റ്റമര്‍ : ഓ! അതിരിക്കട്ടെ. ജാക്കിന്റെ ടെലഫോണ്‍ നമ്പര്‍ ഒന്നു തരാമോ. ഒന്ന് ഫോണ്‍ ചെയ്യാനാ.

സപ്പോര്‍ട്ടര്‍ : ജാക് ! അതാരാണ്.

കസ്റ്റമര്‍ : നിങ്ങളുടെ യൂസര്‍ ഗൈഡില്‍ ക്ലീന്‍ ചെയ്യാന്‍ ജാക്കിനെ വിളിക്കാന്‍ പറഞ്ഞിട്ടുണ്ടല്ലോ. ഗൈഡില്‍ ഇങ്ങനെയാണ് എഴുതിയിരിക്കുന്നത് ‘unplug your machine from the AC wall socket and telephone Jack before cleaning‘

സപ്പോര്‍ട്ടര്‍ : ക്ഷമിക്കണം സാര്‍. താങ്കള്‍ എന്ത് ചെയ്യുവാനാണ് ശ്രമിക്കുന്നത്?

കസ്റ്റമര്‍ : എനിക്ക് സിസ്റ്റം ഡേറ്റ് എങ്ങിനെ മാറ്റാമെന്ന് ഒന്നു പറഞ്ഞുതരൂ.
സപ്പോര്‍ട്ടര്‍ : ഓകെ! താങ്കളുടെ കമ്പ്യൂട്ടറിന്റെ വലതുവശത്തായി താഴെ സമയം എഴുതിയിരിക്കുന്നത് കാണാമോ സാര്‍?

കസ്റ്റമര്‍ : ഓ! കാണാം കാണാം

സപ്പോര്‍ട്ടര്‍ : അവിടെ താങ്കളുടെ മൌസ് രണ്ടുപ്രാവശ്യം ക്ലിക്ക് ചെയ്യൂ...

കസ്റ്റമര്‍ : ഒരു നിമിഷം... ഓകെ!

സപ്പോര്‍ട്ടര്‍ : ഒരു പുതിയ വിന്‍ഡോയില്‍ സമയവും, കലണ്ടറും താങ്കള്‍ കണ്ടില്ലേ?

കസ്റ്റമര്‍ : കണ്ടു ... കണ്ടു... ഭയങ്കരം! എന്റെ മോണിറ്റര്‍ അവിടെ ഇരുന്ന് എങ്ങിനെ കാണുന്നു ?

സപ്പോര്‍ട്ടര്‍ : ഓകെ സാര്‍, ഇനി അവിടെ ഇന്നത്തെ ദിവസവും സമയവും കൃത്യമാക്കാം

കസ്റ്റമര്‍ : ഇപ്പോള്‍ സമയവും, തീയതിയും എല്ലാം കൃത്യമാണ്.

സപ്പോര്‍ട്ടര്‍ : കൃത്യമാണോ സാര്‍? പിന്നെ എന്തിനാണത് മാറ്റുന്നത്?

കസ്റ്റമര്‍ : അതേയ്! കഴിഞ്ഞയാഴ്‌ച എന്റെ മോന്‍ കമ്പ്യൂട്ടറില്‍ കളിച്ച് ഒരു ഫയല്‍ ഡെലീറ്റ് ആയി. ഇപ്പോള്‍ എനിക്ക് ആ ഫയല്‍ വേണമായിരുന്നു. സിസ്റ്റം ടൈം പിന്നിലോട്ടാക്കി എനിക്കതൊന്ന് ഓപ്പണ്‍ ചെയ്യാനാ.

സപ്പോര്‍ട്ടര്‍ : ????????????????????? !!!!!!!!!!!!!!
ടപ്പ് !

ഇന്റര്‍നെറ്റിന്റെ ചരിത്രത്തിലൂടെ

2010-06-28T09:07:00.000-07:00

ഇന്റര്‍നെറ്റ് ഇപ്പോള്‍ എല്ലാവര്‍ക്കും തന്നെ സുപരിചിതം. കമ്പ്യൂട്ടറില്‍ പ്രത്യേക വിദഗ്ദ്ധന്മാരല്ലാത്തവരേയും, കമ്പ്യൂട്ടറുമായി ബന്ധപ്പെടുത്തുന്ന മുഖ്യ കണ്ണിയാണ് ഇന്റര്‍നെറ്റ്. ആധുനിക ലോകത്ത് ഇലക്ട്രോണിക് വിലാസങ്ങള്‍ വെബ്സൈറ്റായോ, ഈമെയിലായോ ഇല്ലാത്ത സ്ഥാപനങ്ങള്‍ വിരളം. വിവിധ ആവശ്യങ്ങള്‍ക്കുവേണ്ടി സാധാരണ ജനങ്ങളും ഇന്റര്‍നെറ്റുമായി ബന്ധപ്പെടേണ്ട അവസ്ഥ കൂടി സംജാതമായിരിക്കുന്നു. ആ നിലയ്ക്ക് ഇന്റര്‍നെറ്റിന്റെ ഉല്‍ഭവ കഥകള്‍ ഒന്നറിഞ്ഞിരിക്കുന്നത് രസകരമായിരിക്കും.

1995 മുതല്‍ക്കാണ് ഇന്റര്‍‌നെറ്റും ഇന്‍ഫര്‍‌മേഷന്‍ ടെക്‌നോളജിയും‍ വിസ്മയകരമായ മുന്നേറ്റങ്ങള്‍ക്ക് തുടക്കമിട്ടതും പ്രചാരം നേടിതുടങ്ങിയതും. ഇന്ന് ലോകത്ത് എകദേശം 15%ല്‍ അധികം ആളുകള്‍ ഇന്റര്‍‍നെറ്റ് ഉപയോഗപ്പെടുത്തുന്നു എന്നാണ് സര്‍‌വ്വേ റിപ്പോര്‍ട്ടുകള്‍ വ്യക്തമാക്കുന്നത്. 90-കളുടെ അവസാ‍നമാണ് ഇന്റര്‍‍നെറ്റ് പ്രചാരം നേടി തുടങ്ങിയതെങ്കിലും അതിനും ഏകദേശം 30 വര്‍ഷങ്ങള്‍ക്ക് മുമ്പാണ് ഇന്റര്‍‌നെറ്റിന് തുടക്കമിട്ടത്.

70-കളില്‍ അമേരിക്കന്‍ ഡിഫന്‍സിന്റെ വിഭാ‍ഗമായ അഡ്‌വാന്‍സ് റിസര്‍ച്ച് പ്രോഗ്രാം ഏജന്‍സി (ARPA) യാണ് യഥാര്‍‌ത്ഥത്തില്‍ ഇന്റര്‍‌നെറ്റിന് തുടക്കമിട്ടത്. ടെലിഫോണ്‍ ലൈനുകളാല്‍ വിദൂര സ്ഥാപനങ്ങളിലുള്ള കമ്പ്യൂട്ടറുകളെ തമ്മില്‍ ബന്ധിച്ച ഒരു ശൃംഖലയായിരുന്നു അത്. അര്‍പാനെറ്റ് എന്നായിരുന്നു ആ നെറ്റ്‌വര്‍ക്കിന് അവര്‍ ‍നല്‍കിയപേര്. അര്‍പയിലെ ശാസ്ത്രജ്ഞര്‍ പരസ്പരം രഹസ്യമായി ആശയവിനിമയം നടത്തുന്നതിന്നും ഗവേഷണക്കുറിപ്പുകള്‍ കൈമാറുന്നറ്റിനും അര്‍പാനെറ്റ് ഉപയോഗിച്ചുപോന്നു. നെറ്റുവര്‍ക്കിലുള്ള കമ്പ്യൂട്ടറുകള്‍ തമ്മില്‍ data കൈമാറുവാന്‍ കഴിയുന്ന TELNET എന്ന സോഫ്റ്റ്‌വെയറാണ് അവര്‍ ഈ Networkല്‍ ഉപയോഗിച്ചത്.

അര്‍പാനെറ്റിന്റെ ചുവടുപിടിച്ച് പല സ്വതന്ത്ര കമ്പ്യൂട്ടര്‍ നെറ്റ് വര്‍ക്കുകളും അതിനുശേഷം നിലവില്‍‍ വന്നു. TELNET പൊലെ FTP (File Transfer Protocole) എന്ന മറ്റൊരു കമ്പൂട്ടര്‍ സോഫ്‌റ്റ്‌വെയര്‍ കണ്ടുപിടിക്കപ്പെട്ടു. അന്നു നിലവില്‍ വന്ന നെറ്റുവര്‍ക്കുകളെല്ലാം TELNET, FTP എന്നിവയെ ആശ്രയിച്ചുള്ളതായിരുന്നു. അവയാകട്ടെ ഉപയോഗത്തില്‍ ഒരു മികച്ച കമ്പൂട്ടര്‍ പ്രോഗ്രാമര്‍ക്കു മാത്രം കൈകാര്യം ചെയ്യുവാന്‍ കഴിയുന്ന തരത്തിലുള്ളവയായിരുന്നു. 79-ല്‍ ഇത്തരം കമ്പ്യൂട്ടര്‍ ശൃംഖലകളെയെല്ലാം തമ്മില്‍ കൂട്ടിയിണക്കുവാന്‍ കഴിയുന്നു TCP/IP (Transfer Control Protocole/ Internet Protocol) എന്ന പുതിയ ഇന്റ‌‌ര്‍‌നെറ്റ് ഇന്റര്‍‌ഫേസ് (ബ്രൌസര്‍ സോഫ്റ്റ് വെയര്‍)രൂപകല്പ്പന ചെയ്യപ്പെട്ടു. അങ്ങിനെ 1983-ല്‍ അന്നത്തെ പ്രമുഖ നെറ്റുവര്‍ക്കായ ARPANET, TCP/IP യെ സ്വാഗതം ചെയ്തുകൊണ്ട് മറ്റ് നെറ്റുവര്‍ക്കുകളെയെല്ലാം അ‍ര്‍പനെറ്റിനോട് ചേര്‍ത്തുകൊണ്ട് INTERNET ന് തുടക്കമിട്ടു. അര്‍പാനെറ്റിന്റെ രഹസ്യമായ സേവനങ്ങള്‍ക്ക് മിലിട്ടറി നെറ്റ്‌വര്‍ക്ക് [MILNET] എന്ന പേരില്‍ മറ്റൊരു സ്വകാര്യ നെറ്റുവര്‍ക് രൂപീകരിക്കുകയും ചെയ്തു.

TCP/IP യുടെ ആവിര്‍ഭാവത്തോടെ ഇന്റര്‍‌നെറ്റും അത് നല്‍കുന്ന സേവനങ്ങളും വലുതാവുകയും അതിന്റെ ഉപയോക്താക്കള്‍ വര്‍ദ്ധിക്കുകയും ചെയ്തു. സ്വന്തമായി FTP നിര്‍മ്മിച്ച് പല സ്വതന്ത്ര നെറ്റുവര്‍ക്കുകളും രൂപീകൃതമാവുകയും ഇന്റര്‍‌നെറ്റിലെ കണ്ണികളാവുകയും ചെയ്തു. 70-കളില്‍ തന്നെ INTERNET-ന് സമാന്തരമായി വളര്‍ന്നുവന്ന മറ്റൊരുവര്‍ക്കാണ് USENET. യൂണിവേഴ്‌സിറ്റികളെ തമ്മില്‍ ബന്ധിപ്പിച്ചിരുന്ന ഈ നെറ്റ് വര്‍ക്ക് അദ്ധ്യാപകരിലും ഗവേഷണ വിദ്യാര്‍ത്ഥികളിലും പ്രമുഖ പ്രചാരം നേടി.

ഇന്റര്‍‌നെറ്റ് വികാസം പ്രാ‍പിച്ചപ്പോള്‍ ഉപയോക്താവിന് ആവശ്യമുള്ള വിഭവങ്ങള്‍ കൃത്യമായി തെരഞ്ഞെടുക്കുന്നതില്‍ TCP/IP എന്ന ഇന്റര്‍ ഫെയ്‌സ് പരാജയമായി തീര്‍ന്നു. ആ അവസരത്തില്‍ അമേരിക്കയിലെ മാക്ഗിന്‍ യൂണിവേഴ്‌സിറ്റി ‘ആര്‍ക്കി‘ എന്ന, FTP ഇന്‍‌ഡക്സൂചെയ്യാന്‍ കഴിവുള്ള പുതിയ ഇന്റര്‍‌ഫേസ് രൂപകല്പന ചെയ്തു. ആവശ്യമുള്ള ഫയലുകള്‍ FTP യില്‍ നിന്നും തെരഞ്ഞെടുക്കാന്‍ കഴിയുന്ന ‘ഹൈടെല്‍നെറ്റും‘ പ്രചാരത്തില്‍ വന്നു. ഈ സോഫ്‌റ്റ്‌വെയറുകള്‍ ഒന്നും തന്നെ, കൈകാര്യം ചെയ്യുന്നതില്‍ ലാളിത്യമുള്ളവയായിരുന്നില്ല. അപ്പോഴും ഇന്റര്‍‌നെറ്റ് വികാസം പ്രാപിക്കുകയായിരുന്നു.

1990 ആയപ്പോഴേക്കും അമേരിക്കയുടെ നഷണല്‍ സയന്‍സ് ഫൌണ്ടേഷന്‍ (NSF)പുതിയ ഒരു നെറ്റ് വര്‍ക്ക് രൂപികരിച്ചൂ. അന്നുണ്ടായിരുന്നതില്‍ ഏറ്റവും വേഗതയുള്ള നെറ്റുവര്‍ക്കായിരുന്നു ഇത്. ഇന്റര്‍‌നെറ്റിന്റെ വളര്‍ച്ചയില്‍‍ പ്രധാന പങ്കുവഹിച്ചത് NSFNET ആണ്. വരിക്കാരുടെ എണ്ണം വളരെ വര്‍‌ദ്ധിക്കുകയും മറ്റു രാജ്യങ്ങളിലേക്ക് ഇന്റര്‍നെറ്റ് പ്രചരിക്കുകയും ചെയ്തു.

90 കളുടെ ആദ്യം ‘ഗോഫര്‍‘ എന്ന പുതിയ ഇന്റര്‍‌ഫേസ് മിനിസോട്ടാ യൂണിവേഴ്‌സിറ്റി രൂപകല്പന‍ ചെയ്തു. അതുവരെഉണ്ടായിരുന്ന എല്ലാ ഇന്റര്‍‌‍ഫേസുകളും UNIX എന്ന ഓപ്പറേറ്റിങ്ങ് സിസ്‌റ്റത്തില്‍ മാത്രം പ്രവര്‍ത്തിക്കുന്നവയായിരുന്നു. എന്നാല്‍ ഗോഫര്‍ ഇതില്‍നിന്നെല്ലാം സ്വതന്ത്രമായ സോഫ്‌ട് വെയറായിരുന്നു. കൂടുതല്‍ വരിക്കാരുണ്ടാവുകയും ഇന്റര്‍‌നെറ്റ് കൂടുതല്‍ പ്ര‍ചാരം നേടുകയും ചെയ്തു. ഗോഫര്‍‌സ്ഫിയര്‍ എന്ന പേരില്‍ പോലും ഇന്റര്‍‌നെറ്റ് അറിയപ്പെട്ടു. ഗോഫറില്‍ സേര്‍‌ച്ചിങ്ങ് സൌകര്യപ്രദമാകാന്‍ ജഗ് ലീഡ്, വെറോണിക്ക, എന്നീ ബ്രൌസിങ്ങ് സോഫ്‌ട് വെയറുകളും രംഗത്ത് വന്നു.

പിന്നീടുള്ള വളര്‍ച്ചയില്‍ www എന്ന പുതിയ നെറ്റ്വര്‍ക്ക് സംവിധാനം രംഗപ്രവേശനം ചെയ്തു. ജനീവയിലെ High Energy Physics Lab ആണ് www വിന്റെ ശില്പികള്‍. ടിം ബര്‍ണേഴ്‌സ്‌ ലി എന്ന ശാസ്‌ത്രജ്ഞനായിരുന്നു ആ ടീമിന്‌ നേത്യത്വം നല്‍കിയത്‌. HTTP (Hyper Text Transfer Protocole) സംവിധാനമാണ് www വില്‍ ഉപയോഗിക്കുന്നത്. മള്‍ട്ടിമീഡിയ സാങ്കേതിക വിദ്യ ഇന്റര്‍‌നെറ്റില്‍ അനായാസമാക്കിയത് ഈ സംവിധാനമാണ്. ഹൈപ്പര്‍ ടെക്‌‌സ്‌‌റ്റുകളായോ, ഹൈപ്പര്‍ മീഡിയമായോ ആണ് ഇവിടെ പ്രോട്ടോക്കോള്‍ ട്രാന്‍സ്ഫര്‍‌ചെയ്യുക. HTML, SGML, PHTML, JAVA, VRML (Virtual Reality Modeling Language)എന്നി കമ്പ്യൂട്ടര്‍ ഭാഷകളുപയോഗിച്ചാണ് ഈ ഹൈപ്പര്‍ മീഡിയകള്‍ തയ്യാറാക്കുന്നത്.

www-വില്‍ സേര്‍‌ച്ചിങ്ങിനായി MOSAIC എന്ന ബ്രൌസിംഗ് സോഫ്‌ട്‌വെയര്‍ നിലവില്‍ വന്നു. അമേരിക്കയിലെ National Centre for Super Computing Application ആയിരുന്നു ഇതിന്റെ വ്യക്താക്കള്‍. തുടര്‍ന്ന് Netscape പ്രചാരത്തില്‍ വന്നു. ബില്‍ഗേറ്റ്‌സിന്റെ Windows പ്രചാരം നേടിയതോടെ ഇന്റര്‍‌നെറ്റ് കൂടുതല്‍ ജനകീയമായി. ഓപറേറ്റിങ്ങ് സിസ്‌റ്റത്തോടൊപ്പം ബ്രൌസിംങ്ങ് സോഫ്‌റ്റ്‌വെയര്‍ സൌജന്യമായി നല്‍കുന്നത് സാധാരണ ജനങ്ങളിലേയ്ക്കും ഇന്റര്‍‌നെറ്റിന്റെ സേവനമെത്തിക്കുന്നതിന് സഹായിച്ചു.

മൈക്രോ സോഫ്‌റ്റിന്റെ Internet Explorer ഓപറേറ്റിങ്ങ് സിസ്‌റ്റത്തോടൊപ്പം സൌജന്യമായി നല്‍കുമ്പോള്‍ LINUX Mozilla യാണ് തങ്ങളുടെ ഓപറേറ്റിങ്ങ് സിസ്‌റ്റത്തില്‍ സംവിധാനം ചെയ്തത്. HTML എന്ന കമ്പ്യൂട്ടര്‍ ഭാഷ ഉപയോഗിച്ച്, വെബ്ബ് പേജുകള്‍ നിര്‍മ്മിക്കുന്നതിനും ഈ ഓപറേറ്റിങ്ങ് സിസ്‌റ്റങ്ങളില്‍ സൌകര്യമുണ്ട്. കമ്പ്യൂട്ടര്‍ ടെ‌ക്‌നോളജിയും, ടെലി കമ്പ്യൂട്ടര്‍ ടെക്‌നോളജി‍യും ഒരുമിച്ചു കൈ കോര്‍ക്കുന്ന ഇന്‍ഫര്‍‌മേഷന്‍ ടെക്‌നോളജി ഇന്ന് ഒരു നൂതന വിജ്ഞാന ശാഖയായി രൂപം പ്രാപിച്ചിരിക്കുകയാണ്. ഇന്ന് IT മേഖലയില്‍ ധാരാളം തൊഴിലവസരങ്ങള്‍ സൃഷ്ടിക്കപ്പെട്ടിരിക്കുകയാണ്. കമ്പ്യൂട്ടറിന്റെ വില അനുദിനം കുറയുന്നതും യൂസര്‍ ‌ഫ്രണ്ടിലിയായ സോഫ്‌ട് വെയറുകള്‍ ലഭ്യമാവുന്നതും IT യുടെ വളര്‍ച്ചയെ ത്വരിതപ്പെടുത്തുന്നു. സ്വയം തൊഴിലിനായി ഇന്റര്‍‌നെറ്റ് സേവനരംഗത്തെ ഉപയോഗപ്പെടുത്താവുന്ന രീതിയിലേയ്ക്ക് ഇന്ന് IT രംഗം വളര്‍ച്ച പ്രാപിച്ച് നില്ക്കുകയാണ്.

ഇന്റര്‍നെറ്റ് ഭരണം
ഇന്റ‌ര്‍‌നെറ്റിനെ പ്രത്യേകമായ ഒരു ഗവണ്‍‌മെന്റോ, സംഘടനയോ, കമ്പനിയോ, വ്യക്‌തിയോ ഒറ്റയ്ക്ക് നിയന്ത്രിക്കുന്നില്ല. എങ്കിലും ശരിയായ പ്രവര്‍ത്തനങ്ങള്‍ക്ക് മാര്‍‌ഗനിര്‍‌ദ്ദേശം നല്‍കി അതിനെ നിയന്ത്രിക്കുന്നതിന് ഒരു ഇന്റര്‍‌നെറ്റ് സൊസൈറ്റിക്ക് രൂപം നല്‍കിയിരിക്കുന്നു. വിവിധരാജ്യങ്ങളില്‍ നിന്നുള്ള തെരഞ്ഞെടുത്ത വിദ്യാഭ്യാസ, ശാസ്ത്ര സാങ്കേതിക രംഗത്തെ പ്രധിനിധികളാണ് ഇതിലെ അംഗങ്ങള്‍. സാങ്കേതിക ഉപദേശങ്ങള്‍ നല്‍കുവാന്‍ Internet Activities Board എന്ന ഒരു ഉപസമതികൂടി ഇന്റര്‍‌നെറ്റ് സൊസൈറ്റിയോടൊപ്പം പ്രവര്‍ത്തിക്കുന്നു.

എന്താണ് ഇന്റര്‍‌നെറ്റ് സംവിധാനം ? ഇന്റര്‍നെറ്റ് എങ്ങനെ പ്രവര്‍ത്തിക്കുന്നു?
www വില്‍ ഏതെങ്കിലും ബ്രൌസര്‍ ഉപയോഗിച്ചാണ് ഇന്റര്‍‌നെറ്റ് സേവനത്തെ പ്രയോജനപെടുത്തുക. മൈക്രോസോഫ്‌ടിന്റെ Internet Explorer, Linex-ന്റെ Mozilla Firefox, Netscape Navigator ഇവയൊക്കെയാണ് വ്യാപകമായി ഉപയോഗിക്കുന്ന ബ്രൌസറുകള്‍. ബ്രൌസറില്‍ ഒരു URL എന്റര്‍ ചെയ്താല്‍ യഥാക്രമമായിട്ടുള്ള പേജുകള്‍ കമ്പ്യൂട്ടറിന്റെ വിന്‍‌ഡോവില്‍ തെളിയുന്നു. ഓരോ പേജിനേയും ‘വെബ്ബ് പേജ്‘ എന്നാണ് പറയുക. ഒരു വെബ്ബ് സൈറ്റില്‍ അനേകം വെബ്ബ് പേജുകള്‍ ഉണ്ടായിരിക്കും. അല്ലെങ്കില്‍ അനേകം വെബ്ബ് പേജുകള്‍ അടങ്ങുന്ന ഒരു ഫോള്‍ഡറാണ് ഒരു വെബ്ബ് സൈറ്റ്. ഓരോ വെബ്ബ് സൈറ്റിനും അതിന്റേതായ URL ഉണ്ടായിരിക്കും. URL type ചെയ്ത് എന്റര്‍ കി പ്രസ്സ് ചെയ്യുമ്പോള്‍ ബ്രൌസര്‍ www ല്‍ പ്രസ്തുത വെബ്ബ് സൈറ്റ് അന്വേഷിച്ച് കണ്ടെത്തി അതു സൂക്ഷിച്ചിരിക്കുന്ന സ്ഥാനത്തുനിന്നും നമ്മുടെ PC യിലേയ്ക്ക് HTTP സംവിധാനം ഉപയോഗിച്ച് download ചെയ്ത് തരുന്നു.

URL സൂചിപ്പിക്കുന്ന വെബ്ബ് സൈറ്റിന്റെ പ്രധാന പേജ് അല്ലെങ്കില്‍ home page ആയിരിക്കും ആദ്യം ലഭിക്കുക. അതില്‍ ആ സൈറ്റ് ഉള്‍‍ക്കെള്ളുന്ന കാര്യങ്ങള്‍ ഇന്‍ഡക്സ് ചെയ്തിരിക്കും.ഹോം പേജില്‍ സജ്ജീകരിച്ചിട്ടുള്ള ഹൈപ്പര്‍ ലിങ്കുകള്‍ വഴി ആ വെബ്ബ് സൈറ്റിലെ മറ്റ് പേജുകളിലേയ്ക്ക് കടക്കാം. ഇന്റര്‍‌നെന്റില്‍ സദാസയവും പ്രവര്‍ത്തിച്ചുകൊണ്ടിരിക്കുന്ന സെര്‍വര്‍ കമ്പ്യൂട്ടറുക‍ളിലാണ് വെബ്ബ് സൈറ്റുകള്‍ നിക്ഷേപിക്കുക. ലോകമെമ്പാടും സ്വകാര്യ സ്ഥാപനങ്ങളുടെയും ഗവ:സ്ഥാപനങ്ങളുടേയുമായി അനേകം സെര്‍വ്വറുകള്‍ ഉണ്ടാവും ഈ സെര്‍വ്വറുകളെല്ലാം OFC വഴി ബന്ധിച്ചിരിക്കുന്നു. ഓരോ രാജ്യത്തിനും ഗേറ്റ് വേകളുണ്ട്. സമുദ്രാന്തര്‍ കേബിളുകള്‍ മുഖേനയും ഉപഗ്രഹങ്ങള്‍ മുഖേനയും ഈ കേന്ദ്രങ്ങള്‍ പരസ്പരം ബന്ധിച്ചിരിക്കുന്നു. ഇന്റര്‍‌നെറ്റ് സര്‍വ്വീസ് പ്രൊവൈഡേഴ്‌സിന്റെ സെര്‍വര്‍ കമ്പ്യൂട്ടറുകള്‍ ഈ നെറ്റുവര്‍ക്കുമായി ഉയര്‍ന്ന ബാന്‍‌ഡ് വിഡ്ത്ത് ISDN(Integrated Service Digital Network) വഴി ബന്ധിപ്പിച്ചിരിക്കുന്നു. അവരുടെ സെര്‍വ്വര്‍ കമ്പ്യൂട്ടറുമായി ടെലിഫോണ്‍ കേബിള്‍ ‍വഴിയോ ഇന്റര്‍നെറ്റ് ഉപയോഗിക്കാവുന്ന മറ്റ് സംവിധാനത്തിലൂടെയോ ബന്ധം സ്ഥാ‍പിക്കുകവഴി ഇന്റര്‍‌നെറ്റ് സേവനം നമുക്കും ലഭ്യമാക്കുന്നു. നമ്മുടെ PC യുടെ ഡയലര്‍ പ്രോഗ്രാം പ്രവര്‍ത്തിപ്പിക്കുമ്പോള്‍ കമ്പ്യൂട്ടറിലെ മോഡം ടെലിഫോണ്‍ വഴി സെര്‍വ്വറുമായി ബന്ധം സ്ഥാപിക്കുന്നു.

കണക്‌ക്ഷന്‍ സമയം കേള്‍ക്കുന്ന പ്രത്യേക ശബ്ദത്തെ “ഹാന്‍ഡ് ഷേക്കിങ്ങ്” എന്നാണ് വിശേഷിപ്പിക്കുന്നത്. ലോഗിങ്ങ് നെയിമും, പാസ്സ്‌വേഡും സര്‍വ്വീസ് പ്രൊവൈഡര്‍ ഉപയോക്താവിന് നല്‍കിയിരിക്കും. ISP (Internet Service Provider) കമ്പ്യൂട്ടര്‍ ഇവ പരിശോധിച്ച ശേഷം, ഇന്റര്‍‌നെറ്റുമായി ഉപയോക്‌താവിന്റെ കമ്പ്യൂട്ടറിനെ ബന്ധിപ്പിക്കുന്നു. പിന്നെ ഉപയോക്‌താവിന് തന്റെ കമ്പ്യൂട്ടറിലുള്ള ബ്രൌസര്‍ പ്രവര്‍ത്തിപ്പിച്ച് ഇന്റര്‍‌നെറ്റ് ഉപയോഗിക്കാം.

ഇനി ചുരുക്കത്തില്‍, ഇത്രയും ഓര്‍മ്മ വയ്ക്കാം
■ www.google.com, www.yahoo.com - ഇവയെല്ലാം വെബ്സൈറ്റുകള്‍ക്ക് ഉദാഹരണങ്ങളാണ്.
■ Internet Explorer, Firefox, Safari, Netscape Navigator - ഇവയെല്ലാം ഇന്റര്‍നെറ്റ് ഉപയോഗിക്കുവാനുള്ള ബ്രൌസിങ്ങ് സോഫ്റ്റ്വെയറുകളാണ്.
■ HTTP - ഇതാണ് www വില്‍ നിന്നും ഉപയോക്താവിന്റെ കമ്പ്യൂട്ടറിലേയ്ക്കും, തിരിച്ചും ഡാറ്റ ട്രാന്സ്‍ഫര്‍ ചെയ്യുന്ന സാങ്കേതിക വിദ്യ.
■ WWW - ഇതാണ് സെര്‍വറുകളും, കമ്പ്യൂട്ടറുകളും പരസ്പരം ബന്ധിപ്പിക്കപ്പെട്ടിരിക്കുന്ന INTERNET സംവിധാനം.

കമ്പനി നാമങ്ങള്‍ക്കു പിന്നില്‍ (Etymology)

2010-06-11T10:51:00.000-07:00

കമ്പനികളുടെ പേരുകള്‍ കേള്‍ക്കുമ്പോള്‍ പലപ്പോഴും നമുക്ക് തോന്നാറുണ്ട്, ആഹാ! നല്ലപേര് ! ഈ കമ്പനി നാമങ്ങളൊക്കെ എങ്ങിനെ വന്നു എന്നും നമ്മള്‍ ചിന്തിക്കാറുണ്ട്. ഇവിടെ പ്രശസ്തമായ ചില ഐ.ടി കമ്പനി നാമങ്ങളും അവയുടെ പേരിന്റെ ഉറവിടവും വിശദീകരിക്കുന്നു.

Apple Computers
ആപ്പിള്‍ കമ്പ്യൂട്ടേഴ്സ് പ്രശസ്തമാണല്ലോ. കമ്പ്യൂട്ടര്‍, ഐഫോണുകള്‍, ഐപാഡുകള്‍ എന്നിങ്ങനെ വിവിധ മേഖലകളില്‍ ആപ്പിളിള്‍ അവരുടെ വ്യക്തിത്വം തെളിയിച്ചു കഴിഞ്ഞു. ആപ്പിള്‍ കമ്പ്യൂട്ടേഴ്സിന്റെ സ്ഥാപകന്‍ സ്റ്റീവ് ജോബ്സിന്റെ ഇഷ്ട പഴമായിരുന്നു ആപ്പിള്‍. മൂന്ന് മാസത്തോളം, തന്റെ ബിസിനസിന് ഉചിതമായ ഒരു പേര് തേടുകയായിരുന്നു ജോബ്സ്. അവസാനം ഒരു ദിവസം, ഇന്ന് അഞ്ചു മണിയ്ക്കുള്ളില്‍ നല്ല പേരുകളൊന്നും ആരും നിര്‍ദ്ദേശിച്ചില്ലെങ്കില്‍ കമ്പനിയെ ‘ആപ്പിള്‍ കമ്പ്യൂട്ടേഴ്സ്’ എന്ന് വിളിക്കുമെന്ന് ജോബ്സ് തന്റെ സഹപ്രവര്‍ത്തകരോട് പ്രഖ്യാപിച്ചു. അത് അങ്ങിനെ തന്നെ സംഭവിച്ചു.
----------------------------------------------------------------------
CISCO
നെറ്റ് വര്‍ക്കിങ്ങ് രംഗത്തെ അതികായനാണ്‍് CISCO. CISCO എന്നത് നാം കരുതുന്നതുപോലെ ഒരു acronym (സംക്ഷേപം) അല്ല. San Francisco എന്നതിന്റെ ചുരുക്കമാണ്.
----------------------------------------------------------------------
Compaq
കമ്പ്യൂട്ടര്‍ ഹാര്‍ഡ് വെയര്‍ രംഗത്തെ പ്രശസ്ത കമ്പനിയാണ്‍് Compaq. Com എന്നത് Computer എന്നവാക്കില്‍ നിന്നുമാണ്. Paq എന്നത് ഒരു സൂക്ഷ്മ വസ്തുവിനെ സൂചിപ്പിക്കുന്നു. Compatibility And Quality എന്ന് മറ്റൊരു വിശദീകരണവുമുണ്ട്.
----------------------------------------------------------------------
Corel
കമ്പ്യൂട്ടര്‍ ഉപയോക്താക്കളില്‍ Corel എന്ന് കേള്‍ക്കാത്തവര്‍ ചുരുക്കം. ഈ പേര് വന്നത് COwpland REsearch Laboratory യില്‍ നിന്നുമാണ്. അതിന്റെ സ്ഥാപകന്‍ Dr.Michael Cowpland ആണ്.
----------------------------------------------------------------------
Google
ഇന്റര്‍നെറ്റിലെ അതിശയമാണ് Google. ഈ പേര് എങ്ങിനെ വന്നു എന്ന് ചിന്തിച്ചിട്ടുണ്ടോ? യഥാര്‍ത്ഥത്തില്‍ ഈ പേര് അബദ്ധത്തില്‍ വന്നുപെട്ടതാണ്. Google സ്ഥാപകരായ ലാറി പേജും, സെര്‍ജി ബ്രിന്നും അവരുടെ ബിസിനസ് സ്ഥാപനത്തിന് 'Googol' എന്ന പേരാണ് കരുതി വച്ചത്. 1 ന് ശേഷം 100 പൂജ്യങ്ങള്‍ ചേര്‍ത്താല്‍ ലഭിക്കുന്ന സംഖ്യയെ ‘Googol‘ എന്ന് സങ്കല്പിക്കുന്നു. ലാറി പേജിനും, സെര്‍ജി ബ്രിന്നിനും തുടക്കത്തില്‍ നല്ലൊരു നിക്ഷേപകനെ ആവശ്യമായിരുന്നു. എങ്ങനെ തെറ്റ് സംഭവിച്ചു എന്ന് വ്യക്തമല്ല, അവര്‍ കണ്ടെത്തിയ നിക്ഷേപകന്‍ നല്‍കിയ ചെക്കില്‍ ‘Googol‘ എന്നത് ‘Google‘ എന്നാണ് എഴുതിയത്. അവസാനം ‘Google‘ എന്നുതന്നെ തീരുമാനിക്കുകയായിരുന്നു. ദാ ഇവിടെ ബ്രിന്‍ ഇതേപറ്റി സംസാരിക്കുന്നു.
Ince: How did you get the name Google?
Brin: We were thinking about very large numbers ... so we came up with the term "googol" which is the mathematical term for 10 to the hundredth (power). The correct spelling was g-o-o-g-o-l and I'm not sure that we realized that we had made a spelling error. But that was taken, anyway. There was this guy who'd already registered Googol.com, and I tried to buy it from him, but he was fond of it. So we went with Google.
----------------------------------------------------------------------
Hotmail
ഇന്ത്യക്കാരനായ സബീര്‍ ഭാട്യയുടെ സംരംഭമായിരുന്നു ഹോട്മെയില്‍. ഇന്ന് അത് മൈക്രോസോഫ്റ്റ് സ്വന്തമാക്കിയിരിക്കുന്നു. ഭാട്യ ഈമെയില്‍ സേവനം നല്‍കുന്ന തന്റെ ബിസിനസ് ആശയത്തിന് mail എന്നവസാനിക്കുന്ന പേരുകള്‍ തേടുകയായിരുന്നു. അവസാനം 'Hotmail' എന്ന പേരില്‍ എത്തിച്ചേര്‍ന്നു. വെബ് പേജ് നിര്‍മ്മാണത്തിനുള്ള പ്രോഗ്രാമിങ്ങ് ഭാഷയായ HTML ന്റെ അക്ഷരങ്ങളെല്ലാം Hotmail ല്‍ ഉണ്ട്. ആദ്യകാലങ്ങളില്‍ HoTMaiL എന്നാണ് എഴുതിയിരുന്നതും.
----------------------------------------------------------------------
Hewlett Packard (HP)
ബില്‍ ഹൌലറ്റും, ഡേവിഡ് പക്കാഡുമാണ് HP യുടെ സ്ഥാപകര്‍. ഇരുവരുടെയും പേരുകള്‍ ചേര്‍ത്ത് കമ്പനിയെ നാമകരണം ചെയ്യണമെന്ന് അവര്‍ തീരുമാനിച്ചിരുന്നു. Hewlett Packard വേണോ Packard Hewlett വേണോ എന്നതുമാത്രമായിരുന്നു സന്ദേഹം. ഇരുവരും ചേര്‍ന്ന് ടോസ് ചെയ്തു. Hewlett Packard എന്ന പേര് തീരുമാനിക്കുകയും ചെയ്തു.
----------------------------------------------------------------------
Intel
ബോബ് നോയ്സ് (Bob Noyce), ഗോഡന്‍ മൂര്‍ (Gordon Moore) എന്നിവരാണ് Intel ന്റെ സ്ഥാപകര്‍. ആദ്യം N M Electronics എന്ന പേരാണ് നല്‍കിയതെങ്കിലും ‘Moore Noyce‘ എന്ന പേരാണ് ഇരുവരും ചേര്‍ന്ന് തീരുമാനിച്ചത്. ‘Moore Noyce‘ എന്നത് ‘more noise‘ എന്ന് കേള്‍ക്കുവാന്‍ ഇടയുള്ളതിനാല്‍ പേര് പിന്നെയും മാറ്റി. പുതിയ പേര് Integrated Electronics എന്നാണ് തീരുമാനിച്ചത്. എന്നാല്‍ അതേ പേരില്‍ മറ്റൊരു ബിസിനസ് സ്ഥാപനം നിലവിലുണ്ടായിരുന്നു. തുടര്‍ന്ന് ഇരുവരും കൂടി INTegrated ELectronics ല്‍ നിന്നുമുള്ള Intel എന്ന പേര് നല്‍കുകയായിരുന്നു.
----------------------------------------------------------------------
Acer
Acer ഒരു ലാറ്റിന്‍ പദമാണ്. അര്‍ത്ഥം - കൃത്യതയുള്ളത്, കഴിവുള്ളത് എന്നൊക്കെയാണ്.
----------------------------------------------------------------------
AltaVista
അള്‍ടാവിസ്റ്റയെന്നാല്‍ ‘high view‘. ഇത് ഒരു സ്പാനിഷ് പദമാണ്. പ്രശസ്തമായ സേര്‍ച്ച് എഞ്ചിനുകളില്‍ ഒന്നാണ്‍് അള്‍ടാ വിസ്റ്റ.
----------------------------------------------------------------------
Lotus
യോഗയില്‍ തല്പരനായിരുന്ന മിച് കപൂര്‍ (Mitch Kapor) യോഗയിലെ ‘പത്മാസന’ത്തെ (The Lotus Position)സൂചിപ്പിച്ചാണ് ‘Lotus‘ എന്ന് കമ്പനിയെ നാമകരണം ചെയ്തത്.
----------------------------------------------------------------------
Microsoft
MICROcomputer SOFTware എന്നതില്‍ നിന്നുമാണ് ബില്‍ ഗേറ്റ്സ് തന്റെ സ്ഥാപനത്തിന് Microsoft എന്ന് പേരിട്ടത്. തുടക്കത്തില്‍ Micro-Soft എന്നാണ് എഴുതിയിരുന്നതും. പിന്നീട് ‘-‘ ഒഴിവാക്കി Microsoft എന്നായി.
----------------------------------------------------------------------
Motorola
മോട്ടോറോളയുടെ സ്ഥാപകല്‍ പോള്‍ ഗാല്‍‌വിന്‍ (Paul Galvin)കാറുകളില്‍ ഉപയോഗിക്കുന്ന റേഡിയോകള്‍ നിര്‍മ്മിച്ചുകൊണ്ടാണ് ബിസിനസ് ആരംഭിച്ചത്. അന്ന് പ്രശസ്തമായിരുന്ന റേഡിയോ കമ്പനിയായ Victrola യെ അനുകരിച്ചാണ് Motorola എന്ന പേര് നല്‍കിയത്.
----------------------------------------------------------------------
Sony
'sonus' എന്ന ലാറ്റിന്‍ പദത്തില്‍ നിന്നുമാണ് Sony എന്ന ആശയം വന്നുചേര്‍ന്നത്. 'sonus' എന്നാല്‍ ശബ്ദം. ഇനി, അമേരിക്കയില്‍ ചുറുചുറുക്കുള്ള ചെറുപ്പക്കാരെ 'sonny' എന്ന് വിളിക്കുമത്രെ.
----------------------------------------------------------------------
SUN
SUN എന്ന പേര് കേള്‍ക്കുമ്പോള്‍ സൂര്യനെ ഓര്‍മ്മ വരുമെങ്കിലും പേരിന്റെ യഥാര്‍ത്ഥ ഉറവിടം Stanford University Network ല്‍ നിന്നുമാണ്.
----------------------------------------------------------------------
Yahoo!
പ്രശസ്ത നോവലിസ്റ്റ് ജോനാതന്‍ സ്വിഫ്റ്റ് (Jonathan Swift) തന്റെ വിശ്വ വിഖ്യാത നോവലായ Gulliver's Travels ലാണ് Yahoo എന്ന പദ പ്രയോഗം നടത്തിയിരിക്കുന്നത്. പ്രാകൃതരായ ഒരു മനുഷ്യ വംശത്തെയാണ് അദ്ദേഹം Yahoo എന്ന പദത്തിലൂടെ സൂചിപ്പിച്ചത്. യാഹുവിന്റെ സ്ഥാപകരായ ജെറി യാങ്ങും (Jerry Yang) ഡേവിഡ് ഫിലോയും (David Filo) തങ്ങളെ സ്വയം Yahoo മാരായി കരുതിയാണ് ആ പേര് ബിസിനസ് സംരംഭത്തിനായി തെരഞ്ഞെടുത്തത്. പിന്നീട് അതിനൊരു വിപുലീകരണം നല്‍കി. ദാ ഇങ്ങനെ Yet Another Hierarchical Officious Oracle.
----------------------------------------------------------------------
Adobe
Adobe ന്റെ സ്ഥാപകനായ ജോണ്‍ വാനോക് (John Warnock) തന്റെ വീടിനടുത്തുകൂടി ഒഴുകുന്ന Adobe Creek എന്ന നദിയെ സങ്കല്പിച്ചാണ് Adobe എന്ന പേര് നല്‍കിയത്.
----------------------------------------------------------------------
Samsung
Three stars എന്നതിന്റെ കൊറിയന്‍ പദമാണ് Samsung
----------------------------------------------------------------------
Wipro
Western India Vegetable PROducts Limited ആണ് വിപ്രോ. ഐ.റ്റി മേഖലയിലേയ്ക്ക് കാലൂന്നുന്നതിന് മുന്നേ വനസ്പതിയുടെയും, സോപ്പിന്റെയും ബിസിനസ്സാണ് വിപ്രോ തുടങ്ങിയത്.

ജീമെയിലില്‍ തീമുകള്‍ പരീക്ഷിച്ചോ ?

2010-06-05T02:40:00.000-07:00

ജീമെയില്‍ ഇന്‍ബോക്സിന്റെ സ്ഥിരം കളറുകളും, ലേഔട്ടുകളും മടുത്തോ?. ജീ മെയില്‍ ഇന്‍ബോക്സില്‍ താങ്കള്‍ക്കിഷ്ടപ്പെട്ട തീമുകള്‍ ഇനി സെറ്റ് ചെയ്യാം. അതിനായി ജീമെയില്‍ അക്കൌണ്ടില്‍ ലോഗിന്‍ ചെയ്യുക. മുകള്‍ഭാഗത്ത് വലതുവശത്ത് കാണുന്ന ‘സെറ്റിങ്ങ്സ്’ ക്ലിക്ക് ചെയ്യുക. അവിടെ വലതു വശത്തായി Themes എന്നുകാണാം. ഇഷ്ടമുള്ള തീം ഇന്‍ബോക്സിനായി സെറ്റ് ചെയ്യുക. ഒരു കാര്യം. താങ്കളുടെ ബ്രൌസറില്‍ Themes എന്ന് കാണുന്നില്ലെങ്കില്‍ ബ്രൌസര്‍ അത് സപ്പോര്‍ട്ട് ചെയ്യുന്നില്ല എന്ന് മനസ്സിലാക്കുക. IE 8, Latest Firefox എന്നിവയിലെല്ലാം തീം ഓപ്ഷന്‍ വര്‍ക്ക് ചെയ്യും.